قازاقستان ۇلتتىق وليمپيادالىق كوميتەتى ستۋدەنتتىك كيبەرسپورت ۇلتتىق قاۋىمداستىعى جانە قازاقستاندىق كيبەرسپورت فەدەراتسياسىمەن بىرلەسىپ, ستۋدەنتتەردىڭ كيبەرسپورتى ليگاسىن قۇرعانىن مالىمدەدى, دەپ حابارلايدى Olympic.kz.
قازاقستان رەسپۋبليكاسى ۇلتتىق وليمپيادالىق كوميتەتىنىڭ باس حاتشىسى اندرەي كريۋكوۆ, ستۋدەنتتىك كيبەرسپورت ۇلتتىق قاۋىمداستىعىنىڭ پرەزيدەنتى اسقار نۇرپەيىسوۆ جانە Qazaq كيبەرسپورت فەدەراتسياسىنىڭ ۆيتسە-پرەزيدەنتى ەۆگەني بوگاتىرەۆ قازاقستانداعى ستۋدەنتتەردىڭ كيبەرسپورت سالاسى بويىنشا ىنتىماقتاستىق تۋرالى مەموراندۋمعا قول قويدى.
تاراپتار اراسىنداعى ىنتىماقتاستىقتىڭ نەگىزگى ماقساتتارى - قازاقستانداعى ستۋدەنتتەردىڭ كيبەرسپورتىن قولداۋ جانە دامىتۋ. ۇلتتىق وليمپيادالىق كوميتەتى جاستاردىڭ نازارىن وليمپيادالىق قوزعالىسقا اۋدارىپ, ولاردى سپورتپەن شۇعىلدانۋعا شاقىرادى دەپ ۇمىتتەنەدى.
"قازاقستان ۇلتتىق وليمپيادالىق كوميتى ەلىمىزدىڭ ەڭ ءىرى جانە بەدەلدى جوعارعى وقۋ ورىندارىن بىرىكتىرەتىن جوبانى بەلسەندى جاستارمەن جۇمىس نەگىزىندە بولاشاعىنان ۇلكەن ءۇمىت كۇتەدى.ء بىزدىڭ مىندەتىمىز - ستۋدەنتتەر قاۋىمداستىعىن بەلسەندى ءومىر سالتىنا باۋلىپ, ولاردىڭ سپورتتىق مادەنيەتىن ءارتاراپتاندىرۋ. جاستار پلاتفورماسىنىڭ تەز تانىمال بولۋىن قولداي وتىرىپ, قازاقستان ۇلتتىق وليمپيادالىق كوميتەتى جاستاردان وليمپيادالىق قوزعالىس قىزمەتىنە ءوزارا قىزىعۋشىلىق كۇتەدى. ءبىز ءوز تاراپىمىزدان وسى جوباعا وليمپيادالىق سپورت تۇرلەرىمەن شۇعىلداناتىن كاسىبي اتلەتتەر مەن دەنە شىنىقتىرۋ مەن سپورتتىڭ كۇندەلىكتى ومىرىمىزدەگى ماڭىزدىلىعى تۋرالى اڭگىمەلەسەتىن جەتەكشى سپورتشىلارىمىزدى قاتىستىرماقپىز. بەلسەندى جاستار اراسىندا ءوزارا ىنتىماقتاستىق بولادى دەپ سەنەمىز", - دەپ, قر ۇلتتىق وليمپيادالىق كوميتەتىنىڭ باس حاتشىسى اندرەي كريۋكوۆ جاڭا باعىتتا اتقارىلاتىن جۇمىس تۋرالى پىكىرىن ءبىلدىردى.
سەرىكتەستەر ءۇشىن ىنتىماقتاستىق شەڭبەرىندە ولاردىڭ ءبىرىنشى كەزەكتەگى مىندەتى - ستۋدەنتتەردىڭ كيبەرسپورت تۇرلەرىنە ارنالعان قازاقستاندىق ليگاسىن قۇرۋ جانە دامىتۋ بولدى. سونداي-اق, ول تۇراقتى تۇردە وتكىزىلىپ تۇرادى جانە دە ءتورت ماۋسىمنان تۇراتىن بولادى. ءبىرىنشى ماۋسىم 2020 جىلدىڭ قازان ايىندا باستالادى. وعان جەتى ۋنيۆەرسيتەتتىڭ كوماندالارى قاتىسادى. اتاپ ايتقاندا, ستۋدەنتتىك كيبەرسپورت ۇلتتىق قاۋىمداستىعىنىڭ مۇشەلەرى ەلوردادان IT ۋنيۆەرسيتەتى, عۇماربەك داۋكەەۆ اتىنداعى الماتى ەنەرگەتيكا جانە بايلانىس ۋنيۆەرسيتەتى, حالىقارالىق اقپاراتتىق تەحنولوگيالار ۋنيۆەرسيتەتى, قازاقستان-بريتان تەحنيكالىق ۋنيۆەرسيتەتى, ءال-فارابي اتىنداعى قازاق ۇلتتىق ۋنيۆەرسيتەتى, ق.ساتپاەۆ جانە حالىقارالىق بيزنەس ۋنيۆەرسيتەتتەرى. ستۋدەنتتىك كيبەرسپورت ۇلتتىق قاۋىمداستىعىنا باسقا ۋنيۆەرسيتەتتەرگە كىرۋ ءتۋرنيردىڭ ەكىنشى ماۋسىمىنان باستاپ اشىق بولادى.