قازىردىڭ وزىندە 8,6 مىڭ قازاقستاندىق قازىرگى زاماننىڭ ەڭ تالاپ ەتىلەتىن داعدىلارىن مەڭگەرۋ ءۇشىن Coursera ونلاين-ءبىلىم بەرۋ الاڭىنداعى تەگىن كۋرستاردا وقۋ مۇمكىندىگىن پايدالاندى. بۇگىنگى تاڭدا تىركەلگەن قاتىسۋشىلار 10 مىڭنان استام ساباق ءوتتى.
وقىتۋدىڭ ەڭ تانىمال باعىتتارى اعىلشىن ءتىلىن (بيزنەس-اعىلشىن, اعىلشىن ءتىلىن وقىتۋ تەحنولوگيالارى, جازباشا داعدىلار), IT-تەحنولوگيالاردى (Python, باعدارلامالاۋ نەگىزدەرى, Adobe Photoshop, HTML جانە CCS نەگىزدەرى), كاسىپكەرلىك داعدىلاردى وقۋ ء(ومىر ءىسىن ىزدەۋ, ءوز قاراجاتىنا بيزنەس, كومپانيا قارجىسى), سونداي-اق SMM قۇرالدارىن, فوتوسۋرەتتەردى زەرتتەۋ, ادامي رەسۋرستاردى باسقارۋ جانە ت.ب. بولدى.
ەسكە سالا كەتەيىك, ەڭبەك جانە حالىقتى الەۋمەتتىك قورعاۋ مينيسترلىگى مەن «ەڭبەك رەسۋرستارىن دامىتۋ ورتالىعى» اق Coursera جاپپاي ونلاين-ءبىلىم بەرۋدىڭ جەتەكشى الاڭىنىڭ وكىلدەرىمەن ۋاعدالاستىعى اياسىندا اتالعان پلاتفورمادا الەمنىڭ جەتەكشى ۋنيۆەرسيتەتتەرى مەن كومپانيالارىنان تەگىن نەگىزدە 4 مىڭنان استام ءتۇرلى كۋرستارعا قول جەتكىزۋگە مۇمكىندىك بار.
وقۋدان ءوتۋ ءۇشىن 31 قازانعا دەيىن ەلەكتروندى ەڭبەك بيرجاسى ارقىلى ءوتىنىم بەرۋ جانە پلاتفورمادا تىركەلۋدى راستاۋ كەرەك (www.coursera.org).