قوعامدىق ساياسات ينستيتۋتىنىڭ قازان ايىنداعى ساۋالداما ناتيجەلەرىنە سايكەس ازاماتتاردىڭ "Nur Otan" پارتياسىن قولداۋ دەڭگەيى 76,8% قۇرايدى, - دەپ حابارلايدى Egemen.kz.
سونىمەن قاتار 70,7% پارتيانىڭ ساياسي سالادا باسەكەلەستەرى جوق دەگەن پىكىردە, ال رەسپوندەنتتەردىڭ 69,2% ەلدىڭ ودان ءارى دامۋىن تەك "Nur Otan" پارتياسىمەن بايلانىستىرادى.
پارتيانى قولداۋدىڭ جوعارى دەڭگەيى, بۇل پاندەميا كەزەڭىندە حالىقتى قولداۋ جۇمىستارىنىڭ كۇشەيۋىنىڭ, كەرى بايلانىستىڭ ونلاين-ارنالارى مەن قوعامدىق قابىلداۋلاردىڭ نىعايۋىنىڭ, ەلباسى مەن مەملەكەت باسشىسىنىڭ تاپسىرمالارىنىڭ ورىندالۋىن باقىلاۋ جونىندەگى ماقساتتى جۇمىستارىنىڭ ناتيجەسى.
سونداي-اق پارتيا رەيتينگتەرىنىڭ ارتۋىنا قوعامدا سۇرانىسقا يە بولا بىلگەن پرايمەريزدى وتكىزۋ ىقپال ەتتى. پرايمەريزدە پارتيا مۇشەلەرىنىڭ 82,4% داۋىس بەردى, 10 مىڭنان استام كانديدات تىركەلدى, ولاردىڭ 55% - تەن استامى قالالىق جانە اۋداندىق ءماسليحاتتار تىزىمىنە ءوتتى. قازاقستاندىقتاردىڭ 65,3% پارتيالىق سايلاۋ تۋرالى ەستىگەن, ولاردىڭ 62% پرايمەريزدى "جاقسى تاجىريبە" دەپ سانايدى.