ەلوردانىڭ بىرقاتار تۇرعىندارى قازىرگى تىيىمعا قاراماستان, كارانتين رەجيمىنىڭ شەكتەۋ شارالارىن ەلەمەي, وتباسىلىق مەرەكەلەردى ۇيىمداستىرىپ, قالا تۇرعىندارىنا قاۋىپ توندىرۋدە. قۇرامىندا تاۋارلار مەن قىزمەتتەر ساپاسىن مەن قاۋىپسىزدىگىن باقىلاۋ دەپارتامەنتى, اكىمدىك پەن نۇر-سۇلتان قالالىق پوليتسيا دەپارتامەنتىنىڭ وكىلدەرى بار ءموبيلدى توپ كارانتيندى بۇزۋشىلاردى انىقتاي وتىرىپ, كۇندەلىكتى رەيدتەر وتكىزۋدە, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
وسىلايشا 18 قازاندا ساعات 17.10-دا پوليتسيا قىزمەتكەرلەرىنە قالا تۇرعىندارىنىڭ ءبىرى "QUMAN" مەيرامحاناسىندا ۇيىمداستىرعان 50 جىلدىقتى توقتاتۋعا تۋرا كەلدى. تۋعان كۇن يەسى جەكە مەرەكەسىنە 60-تان استام قوناق شاقىرعان. شارا بارىسىندا ينسپەكتورلار زالعا كىرىپ, وتباسىلىق مەرەكە توقتاتىلادى.
"مەيرامحانا قوجايىنى مەن ءىس-شارانى ۇيىمداستىرۋشى تىيىم سالىنعانىنا قاراماستان, ادامداردىڭ دەنساۋلىعىنا قاۋىپ ءتوندىردى. مەيرامحانا يەسىنە جانە ءىس-شارانى ۇيىمداستىرۋشىعا قاتىستى جينالعان ماتەريال قر اقبتك 425 بابى بويىنشا اكىمشىلىك جاۋاپكەرشىلىككە تارتۋ ءۇشىن تاۋارلار مەن قىزمەتتەر ساپاسى مەن قاۋىپسىزدىگىن باقىلاۋ باسقارماسىنا جىبەرىلدى", - دەلىنگەن پوليتسيا دەپارتامەنتىنىڭ تاراتقان حابارلاماسىندا.
ءموبيلدى توپ ءبىر تاۋلىك ىشىندە 130-دان استام كاسىپكەرلىك نىسانىن تەكسەرىپ, كارانتيندى بۇزۋدىڭ 36 فاكتىن انىقتادى.
ماماندار زاڭ بۇزۋشىلار قولدانىستاعى زاڭناماعا سايكەس جاۋاپ بەرەتىندىگىن ەسكەرتەدى.