ەكولوگيالىق قىلمىس ءورشىپ تۇر

تابيعات قورعاۋمەن اينالىساتىن پوليتسيا باسقارماسىنىڭ مالىمەتىنە سەنسەك, سوڭعى 9 اي­­دىڭ ىشىندە وبلىس اۋما­عىندا 498 قۇقىق بۇزۋشى اكىم­­شىلىك جاۋاپكەرشىلىككە تار­­تىلىپتى. ونىڭ 197-ءسى اڭ­­شىلىق, 301-ءى بالىق اۋلاۋ ەرە­جەلەرىن بۇزعان. تابيعات بايلىعىنا زاڭسىز قول سۇققان سۇعاناقتارعا جالپى مولشەرى 5 ملن تەڭگەنىڭ ۇستىندە اكىم­شىلىك ايىپپۇل سالىنىپ, بۇ­گىنگە دەيىن ونىڭ 4 ملن تەڭگەسى ءون­دىرىلىپ الىنعان.

مۇنىڭ سىرتىندا, تابيعات ساقشىلارى زاڭسىز اڭعا شىعۋ, سيرەك كەزدەسەتىن جابايى جانۋار­لاردى اتۋ, جاسىل اعاشتاردى كەسۋ سياقتى ەكولوگيالىق قىل­مىستارعا قاتىستى جالپى سانى 31 قىلمىستىق ءىس قوزعاپ وتىر. پوليتسەيلەردىڭ ايتۋىنشا, قازىر ەكى قىلمىستىق ءىس بويىنشا تەرگەۋ امالدارى اياقتالىپ, ءىس سوتقا جىبەرىلگەن.

– «براكونەر» شاراسىنىڭ ماقساتى – تابيعاتتى قورعاۋدى كۇشەيتۋ جانە ەكولوگيالىق قىلمىستارعا توسقاۋىل قويۋ. ماسەلەن, 5 قىركۇيەكتەن اڭعا شىعۋ ماۋسىمى باستالعالى, تابيعات قورعاۋ جونىندەگى زاڭ تالاپتارىن بۇزعان 78 ادام­نىڭ ۇستىنەن اكىمشىلىك حات­تاما تولتىرىلىپ, 800 مىڭ تەڭ­گەدەن استام ايىپپۇل سالىن­دى. سونداي-اق قىلمىستىق كو­دەكستىڭ «زاڭسىز اڭشىلىق» بابى بويىنشا 4  قىلمىستىق ءىس قوزعالىپ, تەرگەۋ شارالارى ءجۇرىپ جاتىر. قازىرگى تاڭدا ايماقتا تابيعاتتى قورعاۋ زاڭن­اماسىن ساقتاۋ ماسەلەسىنە قاتىستى باقىلاۋ كۇشەيتىلدى, – دەدى وبلىستىق پد جەرگىلىكتى پوليتسيا قىزمەتى باسقارماسى تابيعات قورعاۋ پوليتسياسى ءبو­لىمىنىڭ اعا ينسپەكتورى عا­زى­رەتالى الىمعازين. ايماقتا ءجۇ­رىپ جاتقان «براكونەر» جەدەل الدىن الۋ شاراسى قاراشا ايىنىڭ 11-ىنە دەيىن جالعاسادى.

قوستاناي وبلىسى