قوستاناي وبلىسىنىڭ ءماسليحات دەپۋتاتتارى مال ۇستاۋعا قاتىستى جاڭا ەرەجە قابىلدادى. ەندى قاراۋسىز جايىلىپ جۇرگەن جانۋاردىڭ يەسى اكىمشىلىك جاۋاپكەرشىلىككە تارتىلىپ, 8 مىڭ تەڭگەگە دەيىن ايىپپۇل ارقالايتىن بولادى.
وبلىستىق پوليتسيا دەپارتامەنتىندەگى كريمينالدىق پوليتسيا باسقارماسىنىڭ باستىعى مەيرام بازارباەۆ مال ۇرلىعى كوبىنەسە ءۇي جانۋارلارىن قاراۋسىز جىبەرە سالۋدىڭ سالدارىنان بولاتىنىن ايتادى. جىل باسىنان بەرى پوليتسيا قاراۋسىز كەتىپ قالعان 114 باس مالدى تاۋىپ, يەلەرىنە قايتارىپ بەرگەن. ايماقتا مال ۇرلىعىنا قاتىستى 145 وقيعا تىركەلىپ وتىر. باسقارما باستىعىنىڭ ايتۋىنشا, بيىل مال ۇرلىعى وتكەن جىلمەن سالىستىرعاندا ءۇش ەسە ازايعان. ال اسا ءىرى كولەمدەگى مال ۇرلىعى 60%-عا تومەندەگەن.
ت ۇلىكتى قاراۋسىز جىبەرىپ, كەيىن كوز جازىپ قالعان سوڭ مالىم ۇرلاندى دەپ پوليتسياعا شاعىم تۇسىرەتىن تۇرعىندار ءجيى كەزدەسەدى. تاياۋدا عانا قامىستى اۋدانىندا ءدال وسىنداي جاعداي ورىن العان. تۇرعىنداردىڭ ءبىرى ءۇيدىڭ ماڭىندا جايىلىپ جۇرگەن قۇنى 300 مىڭ تەڭگە تۇراتىن سيىرىنىڭ ۇرلانعانى تۋرالى ارىز جازعان سوڭ پوليتسيا دەرەۋ مال ىزدەستىرۋ شاراسىنا كىرىسەدى.
– الدىمەن ىزدەستىرۋ توبىن جاساقتاپ, اۋىلدىڭ ماڭىن ەكى كۇن بويى اينالا شولىپ, تاس جولداعى جۇك كولىكتەرىن توقتاتىپ, تەكسەردىك. سويتسەك كوك سيىر قولدى بولماپتى, ورىستە الاڭسىز كۇيىس قايىرىپ جاتىر ەكەن. ەگەر تۇرعىندار مالىن تاڭبالاپ, قاراۋسىز قالدىرماسا مۇنداي كەلەڭسىز وقيعالار بىرنەشە ەسە ازاياتىن ەدى. بىزگە كەلىپ تۇسكەن ءاربىر ارىز رەسمي تۇردە تىركەلىپ, مال ۇرلىعىنا قاتىستى سوتقا دەيىنگى تەرگەۋ شارالارى تاعايىندالادى. ودان كەيىن ادام شىعارىپ, تەحنيكا ءبولىپ جەدەل ىزدەستىرۋ شاراسىن باستايمىز. وسىلايشا تۇرعىنداردىڭ سالعىرتتىعى پوليتسيانى بوس اۋرە-سارساڭعا سالىپ قوياتىن كەزدەر ءجيى بولىپ تۇرادى, – دەيدى اۋداندىق پوليتسيا ءبولىمىنىڭ باستىعى ەرلان مۋسين.
ءماسليحات دەپۋتاتتارى قابىلداعان جاڭا ەرەجەگە سايكەس, ەندى ءار اۋىلدىق وكرۋگتە قاراۋسىز جۇرگەن جانۋارلارعا ارنالعان قاماۋ ورىندارى پايدا بولادى. ء«تارتىپ بۇزعان» ت ۇلىك وسى مالقاماققا قامالىپ, ايىپپ ۇلى تولەنگەن سوڭ عانا يەسىنە قايتارىلدى.
وسى ورايدا, قوستاناي وبلىسىنىڭ ەگىن شارۋاشىلىعى جاقسى دامىعان سولتۇستىك اۋداندارىندا جەرگىلىكتى تۇرعىندار اۋىلدىڭ ماڭىنان مال جاياتىن قولايلى ءورىس تابا الماي وتىرعانىن ايتا كەتۋ كەرەك. كوپتەگەن اۋىلدىڭ اينالاسىنداعى قولايلى جايىلىمداردى ءىرى شارۋاشىلىقتار مەنشىكتەپ العاندىقتان, جەكەنىڭ مالىنا تۇياق باسار جەر قالماي قالىپ وتىر. جەرگىلىكتى اكىمدىكتەر تۇرعىنداردىڭ جەكە مالىنا دەپ ارنايى بولگەن جايىلىم, بىرىنشىدەن, اۋىلدان شالعاي بولسا, ەكىنشىدەن, قۇنارسىز جەرلەر بولىپ جاتادى. مۇنداي جايىلىمدار كۇز بولماي شاڭى شىعىپ, قارا تاقىرعا اينالادى. ال اۋىل حالقى ازىن-اۋلاق مالىن كوبەيتە الماي الەك. ءماسليحات دەپۋتاتتارى ەندى وسى ماسەلەنى شەشۋگە كۇش سالسا يگى...
قوستاناي وبلىسى