كاسپي تەڭىزى جاعالاۋىنىڭ باتپاقتى جەرىندەگى قامىس ءورتى 10 قازاندا تۇتانعان ەدى, دەپ حابارلايدى Egemen.kz
ءورت سوندىرۋشىلەر جەلدىڭ كۇشەيۋىنە, سونداي-اق, وسىمدىكتەردىڭ قالىڭ وسۋىنە بايلانىستى جالىنمەن 5 كۇن ارپالىستى.
"بۇگىن, 15 قازاندا ساعات 17:58-دە اتىراۋ وبلىسىندا تەڭىز جاعالاۋىنداعى قامىس ءورتى ءسوندىرىلدى. ءورت شالعان جەردىڭ اۋماعى انىقتالۋدا. قامىس ءورتىن سوندىرۋگە وبلىستىق تجد-نىڭ 49 قىزمەتكەرى, 7 تەحنيكاسى مەن "قازاۆياقۇتقارۋ" اق-نىڭ تىكۇشاعى جۇمىلدىرىلدى. ءورت ءسوندىرۋ ءۇشىن تىكۇشاقپەن 87 توننا سۋ 29 رەت شاشىلدى", دەپ حابارلادى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.