الەكسەي تسوي: ىندەتتىڭ باستاپقى كەزەڭىندە اۋىرعان ناۋقاستار قايتا سىرقاتتانۋى مۇمكىن

"عالىمداردىڭ ءارتۇرلى پىكىرىنە سۇيەنسەك, كوروناۆيرۋستى جەڭىل كوتەرگەن ازاماتتاردىڭ اعزاسىندا انتيدەنە 1 اي ۋاقىتقا, ال ورتا نەمەسە اۋىر كوتەرگەندەردىڭ اعزاسىندا 3-5 ايعا دەيىن ساقتالادى. ءبىزدىڭ ەلدە كوروناۆيرۋس جۇقتىرۋدىڭ شارىقتاۋ شەگى وسى جىلدىڭ ماۋسىم-شىلدە ايلارىنا كەلگەنى بەلگىلى. ەگەر ءبىز تالداۋ جاساپ كورسەك, اتالعان ۋاقىتتان 3-5 ايدان كەيىن, ياعني قاراشا-جەلتوقسان ايلارىندا كوروناۆيرۋستى ورتا نەمەسە اۋىر جاعدايدا كوتەرگەندەردىڭ اعزاسىندا انتيدەنەلەر قۇرىپ بارا جاتىر. سول سەبەپتى ولاردىڭ قايتادان اۋرۋعا شالدىعۋ ىقتيمالدىعى, قاۋپى بار", دەدى الەكسەي تسوي.

ونىڭ ايتۋىنشا, الەمدە كوروناۆيرۋستى قايتا جۇقتىرۋ جاعدايى تىركەلگەنىمەن, قازاقستاندا مۇنداي ادامنىڭ ءالى كەزدەسپەگەنىن مالىمدەدى.

اقش ازاماتى 1 جارىم ايدان سوڭ قايتا اۋىردى

ەسكە سالا كەتەيىك, اقش ازاماتى 1 جارىم ايدان سوڭ COVID-19-عا قايتا شالدىققانى جايلى Agence France-Presse جازعان ەدى.