مەملەكەت باسشىسىنا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ بيىلعى جۇمىستارى جانە وقۋ ورنىن دامىتۋدىڭ 2020-2025 جىلدارعا ارنالعان ستراتەگياسىن ىسكە اسىرۋ جوسپارى تۋرالى اقپارات بەرىلدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قاسىم-جومارت توقاەۆ ۋنيۆەرسيتەت جۇمىسىنىڭ قورىتىندىلارىنا وڭ باعا بەرىپ, ونىڭ ايماقتاعى جەتەكشى جوعارى وقۋ ورنى رەتىندەگى حالىقارالىق مارتەبەسىن نىعايتۋ قاجەتتىگىنە نازار اۋداردى.
سونىمەن قاتار مەملەكەت باسشىسىنا ۋنيۆەرسيتەت جانىنان اشىلعان "اباي اكادەمياسى" تۋرالى مالىمەت بەرىلدى. پرەزيدەنت شەتەلدە اباي قۇنانباي ۇلىنىڭ مۇراسىن ۇلتتىق برەند رەتىندە ناسيحاتتاۋ جۇمىستارىن جۇرگىزۋدىڭ ماڭىزدىلىعىن اتاپ ءوتتى.
كەزدەسۋ سوڭىندا قاسىم-جومارت توقاەۆ ەرلان سىدىقوۆقا ەۋرازيا ۇلتتىق ۋنيۆەرسيتەتىنىڭ بازاسىندا اشىلاتىن وقۋ-زەرتحانالىق كەشەنىنىڭ قۇرىلىسى جونىندە جانە باسقا دا بىرقاتار تاپسىرما بەردى.