اقش ازاماتى 1 جارىم ايدان سوڭ COVID-19-عا قايتا شالدىققانى جايلى Agence France-Presse جازدى, دەپ حابارلايدى Egemen.kz.
"نەبارى ءبىر جارىم ايدان سوڭ ۆيرۋستى قايتا جۇقتىرۋ الدىڭعى اۋرۋدىڭ ينفەكتسيادان ادامدى ساقتاپ قالا المايتىنىن كورسەتەدى. SARS-CoV-2 ۆيرۋسىننىڭ ءبىز بىلمەيتىن جىقپىلدارى كوپ جانە اعزا مەن ونىڭ قورعانىش جۇيەسىنىڭ قالاي جاۋاپ بەرەتىنىنىڭ دە قۇپياسى مول", دەگەن ونى زەرتتەۋشى پروفەسسور مارك پاندوري.
عالىم ينفەكتسيادان جازىلىپ شىققان جانداردىڭ ءبىر اۋىردىم, ەندى ماعان سوقپايدى دەپ بەيعام جۇرە بەرمەۋىنىڭ قاجەتتىگىنە ءمان بەرىپ, SARS-CoV-2 ساقتانىپ ءجۇرىپ, قاشىقتىق ۇستاۋدى تالاپ ەتەتىن اۋرۋ ەكەنىن ايتقان.
BNO News كەلتىرگەن اقپاراتقا سەنەر بولساق بۇل الەم بويىنشا COVID-19-دىڭ 23-ءشى رەت قايتا جۇعۋى. 20 پاتسيەنت ودان جازىلىپ شىعىپ, بىرەۋى كوز جۇمىپ, ەندى ەكەۋى ەمدەلۋ ۇستىندە ەكەن.