قازاقستاندا قۇس ءولىمى تاۋلىگىنە 22 باسقا دەيىن قىسقاردى - اشم

ونىڭ ايتۋىنشا, رەسپۋبليكانىڭ باسقا ايماقتارىندا قۇستىڭ قىرىلۋى تىركەلمەگەن. سوڭعى 10 كۇندە جوعارعى پوتاگەندى قۇس تۇماۋىنان ءولىم-ءجىتىمنىڭ تىركەلگەن جاعدايلارىنىڭ ستاتيستيكاسىن ەسكەرە وتىرىپ, ۆەتەريناريالىق باقىلاۋ جانە قاداعالاۋ كوميتەتى كوميتەتىنىڭ ماماندارى قازاقستاندا قۇستاردىڭ ءولىمى تولىق توقتاعانىن اتاپ ءوتتى.

ت.قابدولدانوۆ قىركۇيەك ايىنىڭ ورتاسىنان باستاپ قازاقستان رەسپۋبليكانىڭ 7 وبلىسىنىڭ 78 ەلدى مەكەنىندە كارانتين ەنگىزىلگەنىن ەسكە سالدى. بۇل رەتتە اقتوبە جانە تۇركىستان وبلىستارىندا, شىمكەنتتە, سونداي-اق اقمولا وبلىسىنىڭ ءۇش اۋدانىندا, جامبىل وبلىسىنىڭ ەكى اۋدانىندا, قىزىلوردا وبلىسىنىڭ ءبىر اۋدانىندا جانە سقو-نىڭ ەكى اۋدانىندا قۇس تۇماۋى راستالمادى.

"قىركۇيەك ايىنىڭ ورتاسىنان باستاپ جەكە قوسالقى شارۋاشىلىقتاردا جوعارى پاتوگەندى قۇس تۇماۋىن جۇقتىرۋدىڭ سالدارىنان 25 مىڭعا جۋىق قۇس ءولىمى تىركەلدى. سونىمەن قاتار, ينفەكتسيا وشاقتارىنان 20 177 باس قۇس تاركىلەندى. وسىلايشا, قازىرگى ۋاقىتتا بارلىعى جەكە قوسالقى شارۋاشىلىقتاعى  45 110 باس قۇسقا, ونىڭ ىشىندە 27 393 باس تاۋىق, 777 كۇركەتاۋىق, 10 141 قاز, 6 799 باس ۇيرەك ءۇشىن وتەماقى بەرىلەدى", – دەپ ناقتىلادى سپيكەر.

قازاقستاندا جوعارعى پوتاگەندى قۇس تۇماۋىنىڭ ودان ءارى تارالۋىنا قارسى ءتيىمدى شارالاردىڭ ءبىرى - زارداپ شەككەن ايماقتاردا جانە جابايى قۇستاردىڭ ۇشۋ باعىتى بويىنشا قۇستاردى جەدەل ءارى جاپپاي ۆاكتسيناتسيالاۋ بولدى.

2020 جىلعا جوسپار بويىنشا اقپان ايىندا قۇس تۇماۋىنا قارسى ۆاكتسينالاۋعا شامامەن 3,4 ملن دوزا ءبولىندى. قىركۇيەك ايىندا سقو-دا قۇستاردىڭ جاپپاي قىرىلۋى باستالعان كەزدە ىندەت تابىلعان وشاقتاردى وقشاۋلاۋ ءۇشىن قوسىمشا 2,3 ملن دوزا, سودان كەيىن تاعى 2 ملن دوزا بولىنگەن بولاتىن.

وسىلايشا,ء ماجبۇرلى ۆاكتسيناتسيالاۋ اياسىندا ەلىمىزدىڭ 3 261 ەلدى مەكەنىندە 2,8 ملن استام قۇس باسى قۇس تۇماۋىنا قارسى ەگىلدى. بۇگىندە ۆاكتسيناتسيالاۋ اقمولا, شىعىس قازاقستان, قىزىلوردا وبلىستارىندا جانە نۇر-سۇلتان قالاسىندا تولىعىمەن اياقتالدى.

سونداي-اق, ت.قابدولدانوۆ الەمدەگى قۇس تۇماۋى بويىنشا ەپيدەميولوگيالىق جاعداي شيەلەنىسە تۇسكەنىن ايتتى. 2020 جىلدىڭ قىركۇيەگىندە الەمنىڭ 26 ەلىندە جوعارى پاتوگەندى قۇس تۇماۋى انىقتالدى. مىسالى, كورشى رەسەي فەدەراتسياسىندا بۇگىندە جەكە قوسالقى شارۋاشىلىقتاردا جانە ءبىر قۇس فابريكاسىندا 1,5 ميلليوننان استام قۇستىڭ قىرىلۋى تىركەلگەن.