قازاقستانعا حالىقارالىق اۋە رەيستەرىمەن ۇشىپ كەلگەن التى وتانداسىمىزدىڭ كوروناۆيرۋس ينفەكتسياسىن جۇقتىرعانى انىقتالدى. بۇل تۋرالى كولىكتەگى باس مەملەكەتتىك سانيتارلىق دارىگەر سادۋاقاس بايعابىلوۆ مالىمدەدى, دەپ حابارلايدى Egemen.kz
"6-12 قازان ارالىعىندا حالىقارالىق اۋە رەيستەرىمەن 14 578 جولاۋشى ۇشىپ كەلدى. ولاردىڭ ىشىندە COVID-19-عا پتر تۋرالى انىقتامالارى بار - 11 966 نەمەسە 82 پايىز. ال انىقتاماسىز كەلگەندەردىڭ سانى - 2 596. سونداي-اق پتر تالداۋىن تاپسىرۋ ءۇشىن 2 596 ازامات ەكى كۇندىك كارانتينگە وقشاۋلاندى.
س.بايعابىلوۆتىڭ ايتۋىنشا, ءتۇرلى اۋە رەيستەرمەن جانە داتالارمەن ۇشىپ كەلگەن 2 596 ازاماتتىڭ ىشىندە تەك التى ازاماتتا عانا كوروناۆيرۋس دەرەگى راستالعان.
ۆيرۋستى جۇقتىرعانداردىڭ اراسىندا ءۇش جولاۋشى الماتىدان 10 جانە 12 قازاندا, بىرەۋى نۇر-سۇلتاننان 9 قازاندا جانە ەكەۋى شىمكەنتتەن 11 قازاندا ۇشىپ كەلگەن.
اۋرۋ جۇقتىرعان ازاماتتار ماسكەۋدەن نۇر-سۇلتانعا, تۇركيادان شىمكەنتكە, دۋباي مەن تۇركيادان الماتىعا ۇشقانى ناقتىلاندى. قازىرگى ۋاقىتتا ينفەكتسيا وشاقتارىندا ەپيدەمياعا قارسى ءىس-شارالار جۇرگىزىلىپ جاتىر.