"ازاماتتارعا ارنالعان ۇكىمەت" باسقارما ءتورايىمىنىڭ جاڭا ورىنباسارلارى تاعايىندالدى

بۇگىن مەملەكەتتىك كورپوراتسيانىڭ جاڭا لاۋازىم يەلەرىن ۇجىمعا ۆەدومستۆونىڭ ۆيتسە-ءمينيسترى ابىلايحان وسپانوۆ تانىستىردى.

اتاپ ايتقاندا, "ازاماتتارعا ارنالعان ۇكىمەت" مەملەكەتتىك كورپوراتسياسى" كەاق باسقارما ءتورايىمىنىڭ ءبىرىنشى ورىنباسارى بولىپ سۇيەنىش ءابدىلدين تاعايىندالدى. ال كورپوراتسيانىڭ قارجى ماسەلەسىنە جاۋاپ بەرەتىن ءتورايىم ورىنباسارى رەتىندە نۇرسۇلتان اباحانوۆ تاعايىندالدى.

سۇيەنىش ءابدىلدين 2011 جىلى قازاقستان-بريتان تەحنيكالىق ۋنيۆەرسيتەتىن "كومپيۋتەرلىك تەحنولوگيالار جانە باعدارلامالىق قامتاماسىز ەتۋ" ماماندىعى بويىنشا ءبىتىردى. 2014 جىلى ۇلىبريتانياداعى بيرمينگەم ۋنيۆەرسيتەتىندە ءبىلىم العان, ينفورماتيكا ماگيسترى دارەجەسى بار.

ەڭبەك جولىن 2011 جىلى "ۇلتتىق اقپاراتتىق تەحنولوگيالار" اق-دا جەتەكشى مامان رەتىندە باستاعان. 2012-2013 جىلدارى "ەپام قازاقستان" جشس-دا بيزنەس تالداۋشى بولىپ جۇمىس ىستەدى. 2014-2018 جىلدار ارالىعىندا "قازپوشتا" اق ءار ءتۇرلى لاۋازىمداردا قىزمەت ەتتى. "Toolpar" جشس-ءنىڭ باسقارۋشى سەرىكتەسى / باس ديرەكتورى بولدى. ازاماتتارعا ارنالعان ۇكىمەتكە تاعايىندالعانعا دەيىن قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ كەڭەسشىسى قىزمەتىن اتقاردى.

اقپاراتتىق تەحنولوگيالاردى دامىتۋ, مەملەكەتتىك قىزمەتتەردى بيزنەس-پروتسەستەردى اۆتوماتتاندىرۋدا ۇلكەن تاجىريبەسى بار.

نۇرسۇلتان اباحانوۆ 2004 جىلى ءال-فارابي اتىنداعى قازاق مەملەكەتتىك ۋنيۆەرسيتەتىن "الەم ەكونوميكاسى" ماماندىعى بويىنشا ءبىتىردى. 2009 جىلى حالىقارالىق بيزنەس اكادەمياسىن كورپوراتيۆتى مەنەدجمەنت ماماندىعى بويىنشا اياقتادى. سونىمەن قاتار الماتىداعى ەكونوميكا جانە قۇقىق ينستيتۋتىندا "قۇقىقتانۋ" ماماندىعى بويىنشا ءبىلىم الدى.

ەڭبەك جولىن 2005 جىلى بانك سەكتورىندا باستاپ, وندا 12 جىل ەڭبەك ەتتى.  جەكەمەنشىك جانە مەملەكەتتىك باسقارۋ (قر ۇلتتىق ەكونوميكا مينيسترلىگى) سالاسىندا تاجىريبەسى بار. سونداي-اق "سارىارقا" اكك" اق-دا باسشىلىق لاۋازىمدا بولدى. مەملەكەتتىك كورپوراتسياعا تاعايىندالعانعا دەيىن ول "قازاقستاندىق مەملەكەتتىك-جەكەمەنشىك سەرىكتەستىك ورتالىعى" اق-دا جۇمىس ىستەدى.