ورتا سالماقتا ونەر كورسەتەتىن قازاقستاندىق كاسىپقوي بوكسشى قانات يسلامنىڭ (27-0, 21 كو) كەلەسى قارسىلاسى انىقتالدى. وتانداسىمىز كەلەسى كەزدەسۋىن مەكسيكالىق حەسۋس گۋررولاعا (27-3-15, 14 كو) قارسى وتكىزەدى, دەپ حابارلايدى Egemen.kz.
BoxRec پورتالىنىڭ اقپاراتى بويىنشا, يسلام كەلەسى كەزدەسۋىن 16 قازان كۇنى پلانت-سيتي (اقش, فلوريدا شتاتى) قالاسىندا وتكىزەدى. بۇل وتانداسىمىزدىڭ سوڭعى ءبىر جىلداعى ءبىرىنشى كەزدەسۋى بولماق. سوڭعى رەت قانات يسلام 2019 جىلدىڭ 26 قازانىندا شارشى الاڭعا شىعىپ, ناميبيالىق ۋولتەر كاۋتوندوكۆانى (18-2, 17 كو) تورەشىلەردىڭ شەشىمى بويىنشا جەڭدى. بۇل كەزدەسۋ ول WBO International بەلبەۋىن يەلەنگەن بولاتىن. ال 32 جاستاعى گۋررولا بولسا كاسىپقوي بوكستا 45 كەزدەسۋ وتكىزىپ, 27 جەكپە-جەكتە جەڭىسكە جەتسە, 15 كەزدەسۋدە جەڭىلىپ, 3 ايقاستا قارسىلاسىمەن تەڭ تۇسكەن. ول جەكپە-جەكتەرىنىڭ باسىم بولىگىن مەكسيكادا وتكىزگەن.