«د.د. ماحمۋدوۆ اتىنداعى پاۆلودار قالاسىنىڭ ترامۆاي باسقارماسى» اق اكتسيالار پاكەتى «پاۆلودار» الەۋمەتتىك-كاسىپكەرلىك كورپوراتسياسىنان پاۆلودار وبلىسى اكىمدىگىنىڭ كوممۋنالدىق مەنشىگىنە بەرىلدى. بۇل تۋرالى «پاۆلودار» اكك باسقارما توراعاسى داۋرەن جامبايبەك مالىمدەدى, دەپ حابارلايدى Egemen.kz.
ونىڭ ايتۋىنشا, شەشىم ترامۆاي پاركىن كەشەندى جاڭعىرتۋ, باقىلاۋدى كۇشەيتۋ جانە كاسىپورىننىڭ باسقارۋ تيىمدىلىگىن ارتتىرۋ ماقساتىندا قابىلدانعان.
«ترامۆاي باسقارماسى 2011 جىلدان بەرى «پاۆلودار» اكك اق قۇرىلىمىندا جۇمىس ىستەپ كەلدى. وسى ۋاقىت ارالىعىندا جىلجىمالى قۇرامدى جاڭارتۋ جانە ترامۆاي جولدارىن كۇردەلى جوندەۋ بويىنشا بىرقاتار جۇمىس جۇرگىزىلدى. دەگەنمەن, ينفراقۇرىلىم مەن ۆاگونداردىڭ توزۋ دەڭگەيى جوعارى كۇيىندە قالىپ وتىر. سوندىقتان ءوڭىر بيلىگى باسقارۋ مودەلىن قايتا قاراپ, كاسىپورىندى مەملەكەتتىك باسقارۋعا كەزەڭ-كەزەڭىمەن كوشىرۋ تۋرالى شەشىم قابىلدادى. قولدانىستاعى زاڭناماعا سايكەس اكتسيالار پاكەتىن بىردەن قالانىڭ كوممۋنالدىق مەنشىگىنە بەرۋ مۇمكىن بولماعاندىقتان, العاشقى كەزەڭدە ول وبلىس مەنشىگىنە ءوتتى. الداعى ۋاقىتتا ترامۆاي باسقارماسىن پاۆلودار قالاسىنىڭ كوممۋنالدىق مەنشىگىنە بەرۋ جوسپارلانىپ وتىر», دەيدى ول.
مامانداردىڭ پىكىرىنشە, بۇل قادام باسقارۋشىلىق شەشىمدەردى جەدەل قابىلداۋعا, سالالىق مەملەكەتتىك ورگاندارمەن ءوزارا ءىس-قيمىلدى كۇشەيتۋگە جانە بيۋدجەت قاراجاتىنىڭ اشىقتىعىن ارتتىرۋعا مۇمكىندىك بەرەدى.
ترامۆايلار جاڭارادى
سونداي-اق كوممۋنالدىق مەنشىك فورماتى تىكەلەي بيۋدجەتتىك قارجىلاندىرۋدى قامتاماسىز ەتىپ, مەملەكەتتىك ينۆەستيتسيالار تارتۋعا جانە ترامۆاي پاركىن كەزەڭ-كەزەڭىمەن جاڭارتۋعا جاعداي جاسايدى. بۇل ءوز كەزەگىندە جولاۋشىلار تاسىمالىنىڭ قاۋىپسىزدىگىن ارتتىرىپ, قىزمەت كورسەتۋ ساپاسىن جاقسارتۋعا ىقپال ەتپەكشى.
الماتىدا ترامۆاي قايتا جۇرەدى
ءوڭىر بيلىگىنىڭ مالىمەتىنشە, قابىلدانعان شەشىم پاۆلودار قالاسىنىڭ قوعامدىق كولىك جۇيەسىن ۇزاق مەرزىمدى دامىتۋعا باعىتتالعان.