اۋليەكولدە حالىقتىڭ الەۋمەتتىك وسال توپتارى ساناتىندا تۇرعان 24 وتباسى باسپانالى بولدى. قونىس قۋانىشىنا وراي وتكەن سالتاناتتى ءىس-شاراعا قاتىسقان وبلىس اكىمى قۇمار اقساقالوۆ تۇرعىنداردى قۇتتىقتاپ, پاتەر كىلتتەرىن تابىستادى, دەپ حابارلايدى Egemen.kz.
«مەملەكەت باسشىسى اۋىل حالقىن ساپالى تۇرعىن ۇيمەن قامتاماسىز ەتۋ ماسەلەسىنە ەرەكشە كوڭىل ءبولىپ وتىر. قوستاناي وبلىسىندا بۇل جۇمىس جۇيەلى تۇردە جۇرگىزىلىپ كەلەدى. ەل يگىلىگىنە بەرىلىپ جاتقان تۇرعىن ءۇي كولەمى جىل سايىن ارتىپ وتىر. 2025 جىلدىڭ قورىتىندىسى بويىنشا وبلىستا 517,4 مىڭ شارشى مەتر تۇرعىن ءۇي پايدالانۋعا بەرىلدى. ونىڭ 63,7 مىڭ شارشى مەترى اۋىلدىق جەرگە تيەسىلى. ناتيجەسىندە 5,4 مىڭنان استام وتباسى تۇرعىن ۇيمەن قامتاماسىز ەتىلدى», دەدى اكىم.
كوكسۋدا دارىگەرلەر مەن مۇعالىمدەرگە ارنالعان جاڭا تۇرعىن ءۇي پايدالانۋعا بەرىلدى
باسپانا قۋانىشىنا يە بولعانداردىڭ ءبىرى – گۇلسارا سارينا.
«مەن 2019 جىلدان بەرى باسپانا كەزەگىندە تۇردىم. بەس بالانىڭ اناسىمىن. بۇگىن ءوز پاتەرىمىزگە قول جەتكىزىپ, ەرەكشە قۋانىشقا بولەنىپ وتىرمىز. وسىنداي مۇمكىندىك جاساعان مەملەكەتكە العىسىمدى بىلدىرەمىن», دەيدى كوپبالالى انا.
بيىل ەلىمىزدە 12,9 ملن شارشى مەتر تۇرعىن ءۇي پايدالانۋعا بەرىلدى