30 قاڭتار كۇنى شىمكەنت قالالىق پەريناتالدىق ورتالىعىندا ۇشەم دۇنيەگە كەلدى. ۇشەم 11 تاۋلىك ورتالىق دارىگەرلەرىنىڭ باقىلاۋىندا بولىپ, كەشە ۇيلەرىنە شىعارىلعان, دەپ جازادى Egemen.kz.
قالا تۇرعىنى سۇلەيمەنوۆا اقشولپان ۇشەمدەردى قوسا العاندا جەتى پەرزەنتتىڭ اناسى اتانعان. نارەستەلەرگە داۋلەت, ديماش, دينا ەسىمدەرى بەرىلگەن.
زاڭعار, ايبار, اسەل: الماتىدا ۇشەم دۇنيەگە كەلدى
«ۇشەمنىڭ سالماقتارى تۋعاندا ارقايسىسى ەكى كەلىدەن استى. ەكىنشى جانە ءۇشىنشى نارەستەلەر تۋعاننان كەيىن بىردەن رەانيماتسيا جانە قارقىندى تەراپيا بولىمشەسىنە ورنالاستىرىلىپ, جاعدايلارى تۇراقتانعان سوڭ ءبىر تاۋلىكتەن كەيىن نەگىزگى بولىمشەگە اۋىستىرىلدى», دەلىنگەن شىمكەنت قالالىق پەريناتالدىق ورتالىعى تاراتقان حابارلامادا.
دارىگەرلەر ۇشەمدەرگە تولىق مەديتسينالىق كومەك كورسەتىلىپ, پەرزەنتحانادان شىعار ۋاقىتتا ولاردىڭ جاعدايى قاناعاتتانارلىق دەڭگەيدە بولعانىن مالىمدەدى.
بۇعان دەيىن قوستاناي وبلىسىنىڭ تۇرعىنى ءۇش ۇلدان كەيىن ۇشەم قىز بوسانعانىن حابارلاعانبىز.