باتىس قازاقستان وبلىسىنىڭ پروكۋراتۋراسى مەملەكەتتىك كاسىپورىنداردىڭ بىرىندە اسا ءىرى مولشەردە بيۋدجەت قاراجاتىن جىمقىرۋ فاكتىسىن انىقتادى, دەپ جازادى Egemen.kz.
الدىن الا مالىمەتتەرگە سايكەس, لۋدومانياعا شالدىققان كاسىپورىننىڭ بۋحگالتەرى كومپانيا قاراجاتىن زاڭسىز پايدالانىپ, قارجىنى «1XBet» بۋكمەكەرلىك كەڭسەسىندە باسكە تىككەن. سونداي-اق ۇرلانعان اقشاعا جاڭا اۆتوكولىك ساتىپ العان.
بۋحگالتەردىڭ زاڭسىز ارەكەتىنىڭ سالدارىنان مەملەكەت بيۋدجەتىنە 118 ملن تەڭگە زالال كەلگەن.
قازىر بوتەن م ۇلىكتى اسا ءىرى مولشەردە زاڭسىز يەمدەنۋ فاكتىسى بويىنشا سايكەس سوتقا دەيىنگى تەرگەپ-تەكسەرۋ باستالدى. تەرگەۋدى ارنايى پروكۋرورلار جۇرگىزىپ جاتىر.
12 ملرد تەڭگە ۇرلاعان: تۇركىستان وبلىسىندا ءبىلىم ءبولىمىنىڭ باسشىسى مەن بۋحگالتەرلەرى سوتتالدى
سوت سانكتسياسىمەن كۇدىكتى تەرگەۋ يزولياتورىنا قامالىپ, ال اۆتوكولىكتى پايدالانۋعا تىيىم سالىنعان.
باس پروكۋراتۋرانىڭ ءباسپاسوز قىزمەتىنىڭ مالىمەتىنشە, 2025 جىلى اتالعان ايماقتا بۋكمەكەرلىك كەڭسەلەردە ءباس تىككەن ءتۇرلى مەملەكەتتىك ورگانداردىڭ 16 قىزمەتكەرى جۇمىستان بوساتىلعان.
اقشا ۇرلاعان بۋحگالتەر 7 جىلعا سوتتالدى