پاۆلودار وبلىسى كومىر گەنەراتسياسىن دامىتۋعا باعىتتالعان ۇلتتىق جوبانى جۇزەگە اسىرۋدا ماڭىزدى ستراتەگيالىق رولگە يە. وتكەن جىلدىڭ قورىتىندىسى بويىنشا ءوڭىر قازاقستاندا وندىرىلگەن ەلەكتر ەنەرگياسىنىڭ 42%-ىن قامتاماسىز ەتتى, دەپ حابارلايدى Egemen.kz.
ەلىمىزدىڭ ەنەرگەتيكالىق قاۋىپسىزدىگىن كۇشەيتۋدەگى نەگىزگى قادامداردىڭ ءبىرى – ەكىباستۇز گرەس-2 ستانتسياسىن كەڭەيتۋ. جوبا اياسىندا ستانتسيانىڭ قۋاتى 1 گۆت-تان 2,1 گۆت-قا دەيىن ۇلعايتىلادى. بۇدان بولەك, «تازا كومىر» تەحنولوگيالارىن پايدالانۋ ارقىلى قۋاتى 2,64 گۆت بولاتىن جاڭا ەكىباستۇز گرەس-3 ستانتسياسىن سالۋ جانە اقسۋ گرەس-ءىن جاڭعىرتۋ جوسپارلانىپ وتىر.
ەكىباستۇز گرەس-2: قۋاتتىلىعى ەكى ەسە ارتادى
ەلەكتر ەنەرگياسى ءوندىرىسىنىڭ ارتۋى كومىر ءوندىرۋ كولەمىن دە كوبەيتۋدى تالاپ ەتەدى. بۇل رەتتە ەلدەگى كومىر ءوندىرىسىنىڭ 38%-ىن قامتاماسىز ەتەتىن «بوگاتىر كومىر» جشس شەشۋشى ءرول اتقارادى. تەڭگەرىمدىك قورى 2,4 ملرد توننانى قۇرايتىن كومپانيا ءوندىرىستى كەزەڭ-كەزەڭىمەن ارتتىرۋدى كوزدەيدى: 2024 جىلعى 42,7 ملن توننادان 2026 جىلى 45,2 ملن تونناعا دەيىن, ال 2032 جىلعا قاراي جىلىنا 56,5 ملن تونناعا جەتكىزۋ جوسپارلانعان.
وسى مىندەتتەردى جۇزەگە اسىرۋ ءۇشىن 2026-2032 جىلدارعا ارنالعان 360 ملرد تەڭگەلىك ينۆەستيتسيالىق باعدارلاما ازىرلەنگەن. قارجىنىڭ باسىم بولىگى كۇردەلى قۇرىلىسقا, «سەۆەرنىي» قيماسىندا جوعارى ءتيىمدى تسيكلدىك-اعىندىق تەحنولوگيانى ەنگىزۋگە جانە جاڭا ۇيىندىلەردى جاراقتاندىرۋعا باعىتتالادى. سونىمەن قاتار, تاۋ-كەن كولىك تەحنيكاسىن جاڭارتۋ, قولدانىستاعى نىسانداردى قايتا جاڭعىرتۋ جانە كۇردەلى جوندەۋ جۇمىستارى جۇرگىزىلەدى. بۇل شارالار ەلدىڭ ەنەرگەتيكالىق سۇرانىسىن تۇراقتى قامتاماسىز ەتۋگە مۇمكىندىك بەرەدى.
پاۆلودار: ەنەرگەتيكا قۋاتى ارتىپ كەلەدى