بۇرناعى كۇنى, 8 قاراشادا الماتى مەتروپوليتەنىندەگى «سايران» جانە «ماسكەۋ» ستانسالارى اراسىنداعى جەر استى جولدارى ءتۇيىسۋىنىڭ باستى قادامى جاسالدى. بۇل تۋرالى «ۆەچەرني الماتى» گازەتى حابارلادى.
ەكى جاڭا ستانسانىڭ ءبىر-بىرىمەن تۇيىسۋلەرى باعىتىنداعى ءبىرىنشى قادام اباي داڭعىلى مەن برۋسيلوۆسكي جانە تىلەنديەۆ كوشەلەرىنىڭ قيىلىسار تۇسىنداعى 11 مەترلىك تەرەڭدىكتە جاسالدى. وسىعان ارنالعان سالتاناتتى ساتتە ماماندار وڭ جاق توننەل جولىن №122 ۆەنتيلياتسيالىق كەشەنگە جالعادى.
«ءبىزدىڭ ءبارىمىز ءۇشىن ماڭىزدى بولىپ وتىرعان بۇل وقيعامەن مەتروپوليتەن قىزمەتكەرلەرىن عانا ەمەس, بارشا الماتىلىق تۇرعىنداردى قۇتتىقتايمىن, - دەدى قالا اكىمىنىڭ ورىنباسارى بولات ساۋرانباەۆ. – بۇگىن ءبىز وڭ جاق كانالمەن ءجۇرىپ وتتىك, «ماسكەۋ» ستانساسىنا دەيىن 170 مەتر قاشىقتىق قانا قالدى. ال سول كانالمەن تاعى 750 مەتر ىلگەرى جىلجۋىمىزعا تۋرا كەلەدى. جىلدىڭ سوڭىنا دەيىن «سايران» جانە «ماسكەۋ» ستانسالارى اراسىن قوسامىز دەپ وتىرمىز».
مۇرات ايتقوجا.