جەنەۆاداعى «التىلىق» پەن يران اراسىنداعى كەلىسسوزدەردىڭ كەزەكتى كەزەڭى ناتيجەسىز اياقتالدى. بۇل تۋرالى يتار-تاسس حابارلادى.
كەلىسسوز بارىسىندا تاراپتار ەشقانداي كەلىسىمگە كەلگەن جوق. جيىنعا قاتىسقان سىرتقى ىستەر مينيسترلەرى يراننىڭ يادرولىق باعدارلاماسىنا قاتىستى جۇمىستاردىڭ كەزەڭ-كەزەڭدەرگە ءبولىنىپ جۇرگىزىلەتىنىن ايتتى. جەنەۆاداعى كەلەسى باسقوسۋ 20 قاراشاعا جوسپارلاندى.
«فرانتسيا اۋەلدەن باستاپ تەگەراننىڭ يادرولىق قارۋى ماسەلەسىنە قاتىستى كەلىسىمگە كەلۋگە نيەتتى. جەنەۆاداعى باسقوسۋدا وسى ماسەلەنىڭ توڭىرەگىندە ءبىراز وي قوزعالدى. الايدا, ناقتى ءبىر ناتيجە نەمەسە كەلىسىمگە كەلە المادىق. كەلەشەكتە كوپتەگەن سۇراقتاردى شەشۋىمىز كەرەك», – دەدى فرانتسيا سىرتقى ىستەر ءمينيسترى لوران فابيۋس.
ايدار ورىسباەۆ.