جامبىل وبلىسىنىڭ اكىمى بەردىبەك ساپارباەۆ بازارلاردىڭ بەلگىلەنگەن تالاپتارعا تولىق سايكەس كەلمەيتىنىن ايتتى, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
كاسىپكەرلىك جانە يندۋستريالدى-يننوۆاتسيالىق دامىتۋ باسقارماسىنىڭ باسشىسى اسپانديار سەيسەباەۆتىڭ ايتۋىنشا, وبلىس بويىنشا 41 بازار تىركەلگەن, وندا 12 مىڭنان استام ادام جۇمىس ىستەيدى.
- حالىق اراسىندا جۇرگىزىلگەن ساۋالناما ناتيجەلەرى تۇرعىنداردىڭ تاۋارلاردى نەگىزىنەن بازاردان ساتىپ الاتىنىن كورسەتىپ وتىر. ماسەلەن, ازىق-ت ۇلىك تاۋارلارى كولەمىنىڭ 64 پايىزى, ازىق-ت ۇلىك ەمەس تاۋارلار كولەمىنىڭ 73 پايىزى, تەحنيكاعا قاجەتتى بولشەكتەردىڭ 81 پايىزى جانە قۇرىلىس ماتەريالدارىنىڭ 85 پايىزى بازارلاردان ساتىپ الىنادى, - دەپ اتاپ ءوتتى ا.سەيسەباەۆ.
تۇتىنۋشىلاردىڭ كوپتىگىن ەسكەرسەك, بازارلارداعى قىزمەت كورسەتۋدىڭ زاماناۋي تالاپتارعا ساي بولۋى اسا ماڭىزدى. وكىنىشكە وراي, ازىرگە ولار تالاپقا ساي دەپ ايتا المايمىز.
- بارلىق بازارلار ورتكە قارسى, ساۋلەتتىك, سانيتارلىق, ەكولوگيالىق جانە باسقا دا تالاپتارعا ساي بولۋى ءتيىس. بىراق بىردە-ءبىر بازار يەسى بۇعان ناقتى جاۋاپ بەرە المايدى. ساۋدا اشىق جەردە جۇرگىزىلۋدە, ءورت گيدرانتتارى كورىنبەيدى, ءورت ءسوندىرۋ ماشينالارى ەركىن وتە المايدى. بازار يەلەرى ساتىپ الۋشىلار مەن ساۋداگەرلەرگە دە جايلى جانە قاۋىپسىز جاعداي جاساۋدى ويعا دا المايدى. ال, مەملەكەتتىك ورگاندار ەشقانداي ماسەلە جوق سەكىلدى بەيقام, ءتىپتى, بۇل جاعدايداعى ءتارتىپتى رەتتەۋگە تىرىسپايدى, - دەپ اشۋلاندى بەردىبەك ساپارباەۆ.
ا.سەيسەباەۆ اتاپ وتكەندەي, سوڭعى ەكى جىلدا جەتى بازار («نۇرلى», «ىستى», «سالتانات», «قايقارمەت», «ارزان», «اۋىل بەرەكە», «جىبەك جولى») جاڭعىرتىلىپ, جابىق پاۆيلوندار ورناتىلىپ, قاقپالار قويىلعان.
ايماق باسشىسى بۇل شارالارمەن توقتاپ قالۋعا بولمايتىندىعىن ايتىپ, جاڭعىرتۋدى سوڭىنا دەيىن جەتكىزۋدى تاپسىردى. وسىنداي جۇمىستار باسقا دا بازارلاردا جۇرگىزىلۋدە, دەنگەنمەن يەلەرى ۋاقىتتى سوزىپ, ءالى كۇنگە جاڭا ساۋدا قاتارلارىنىڭ ەسكيزدەرىن ۇسىنباۋدا. كوپتەگەن كاسىپكەرلەر قاراجاتتىڭ جوقتىعىنا شاعىمدانىپ, مودەرنيزاتسيالاۋ جۇمىستارى ەكى-ءۇش جىلدا اياقتالاتىندىعىن تىلگە تيەك ەتتى.
- ەشقانداي سىلتاۋ قابىلدانبايدى. بارلىق بازارلار تەزىرەك رەتكە كەلتىرىلۋى كەرەك. بارلىق بازارلار ءۇشىن بىرىڭعاي ولشەمدەر بەكىتىلگەن. ولار: نىسانداردىڭ سانيتارلىق-ەپيدەميولوگيالىق ستاندارتتارعا جانە ءورت قاۋىپسىزدىگى تالاپتارىنا, قالانىڭ ارحيتەكتۋرالىق كەلبەتىنە سايكەستىكتەرى, ەلدىڭ سالىق زاڭناماسىن ساقتاۋ جانە POS-تەرمينالدارى مەن كاسسالىق اپپاراتتارىنىڭ بولۋى, - دەپ تالاپ ەتتى وبلىس اكىمى.
ول توتەنشە جاعدايلار جانە مەملەكەتتىك كىرىستەر دەپارتامەنتتەرى بۇل جاعدايلارعا باس اۋىرتپايتىنىن باسا ايتتى. وبلىس اكىمىنىڭ تاپسىرمالارىنىڭ ورىندالۋىن ارنايى ءموبيلدى توپ قاداعالاپ وتىرۋى ءتيىس. توپ قۇرامىنا جوعارىدا اتالعان دەپارتامەنتتەر مەن سالالىق باسقارما وكىلدەرىنەن بولەك, پوليتسيا قىزمەتكەرلەرى, سانيتارلىق دارىگەرلەر, ساۋلەتشىلەر ەنەدى. جيىنعا بەينە-بايلانىس رەجيمىندە قاتىسقان اۋداندار مەن وبلىس ورتالىعىنىڭ اكىمدەرىنە دە وسى ماسەلەلەردى شەشۋ بويىنشا جۇمىستار جۇرگىزۋ تاپسىرىلدى.
باسقوسۋدا ايماق باسشىسى ازىق-ت ۇلىك قاۋىپسىزدىگى ماسەلەسىنە ايرىقشا كوڭىل ءبولدى.
"تۇراقتاندىرۋ قورىنىڭ قويمالارىندا ءونىمدى ساقتاۋعا قاتىستى بارلىق ماسەلەلەردى كوكتەمدە شەشۋ قاجەت ەدى. سوندا ءتيىستى ۆەدومستۆو بۇگىنگى باعالاردىڭ ءوسۋىن بولدىرماۋ ءۇشىن بىرنەشە مىڭ توننا اۋىلشارۋاشىلىق ونىمدەرىن ساتىپ الار ەدى. ديقاندار مول ءونىم جينادى. بىراق ولاردى ساقتايتىن ورىن جوق. سوندىقتان ونىمدەر قازىر باسقا ايماقتارعا ارزان باعادا ساتىلۋدا. ال ىشكى نارىق تولىعىمەن قامتىلدى دەپ ايتا المايمىز. اۋىل شارۋاشىلىعى باسقارماسى جاعدايدى باقىلاي الماي وتىر", - دەپ وبلىس اكىمى باسقارما جۇمىسىن سىنعا الدى.
سونىمەن قاتار ول دەلدالدارعا قاتىستى ماسەلەنى دە شەشۋدى تالاپ ەتتى.
"شارۋالار سومانىڭ جارتىسىن ورتاداعى دەلدالدارعا بەرۋگە ءماجبۇر. ويتكەنى وزدەرىنىڭ تىكەلەي ساتۋعا مۇمكىندىگى جوق. وسىلايشا ورتاداعىلار وڭاي اقشا تابۋدا, ولار سالىق تولەمەيدى", - دەپ اتاپ ءوتتى بەردىبەك ساپارباەۆ.
سونداي-اق ءوڭىر باسشىسى ازىق-ت ۇلىك تاپشىلىعى مەن باعانىڭ وسۋىنە جول بەرمەۋ ءۇشىن شارالار قابىلداۋدى تاپسىردى.