ۋساما بەن لادەن ولتىرىلگەننەن كەيىن ونىڭ ورنىن باسقان ايمان ءال-زاۋاحيري سيريا اۋماعىندا بەلسەندى ارەكەت ەتىپ جۇرگەن «ءال-كايدا» قارۋلى توبىنىڭ ءبىرى – «يراك پەن لەۆانت يسلام مەملەكەتىنىڭ» تاراتىلعانىن مالىمدەدى. بۇل تۋرالى News.ru پورتالى حابارلادى.
بۇل قارۋلى توپ «ءال-كايدا» ۇيىمى باسشىلىعىنىڭ رۇقساتىنسىز قۇرىلعاندىقتان تاراتىلعان.
2013 جىلدىڭ ماۋسىم ايىندا «ءال-جازيرا» تەلەارناسى ايمان ءال-ءزاۋاحيريدىڭ حاتىن جاريالاعان بولاتىن. حاتتا «ءال-كايدا» ۇيىمىنىڭ يراكتاعى جەتەكشىسى ءابۋ باكر ءال-باعدادي «يراك پەن لەۆانت يسلام مەملەكەتى» توبىن باسشىلىقتىڭ كەلىسىمىنسىز قۇرعانى ايتىلعان.
ايمان ءال-ءزاۋاحيريدىڭ ايتۋىنشا, سيريا جەرىندە باشار اساد بيلىگىنە قارسى «ءال-كايدانىڭ» ۇيىمىنا قاراستى تەك «ءال-نۋسرا مايدانى» قارۋلى توبى كۇرەسۋدە.
جولدىباي بازار.