اسقار ساۋىتبەك ۇلى ءابدىراحمانوۆ قر سىرتقى ىستەر مينيسترلىگى حالىقارالىق اقپارات كوميتەتىنىڭ توراعاسى بولىپ تاعايىندالدى. بۇل تۋرالى ءسىم ءباسپاسوز قىزمەتى حابارلادى.
اسقار ءابدىراحمانوۆ 1979 جىلى تۋعان. 2002 جىلى "دۇنيەجۇزى تاريحى" ماماندىعى بويىنشا ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن. ەڭبەك جولىن قر بعم عك شىعىستانۋ ينستيتۋتىندا جانە تۇڭعىش پرەزيدەنت قورى جانىنداعى الەمدىك ەكونوميكا جانە ساياسات ينستيتۋتىندا عىلىمي جانە وقىتۋشىلىق جۇمىستان باستاپ, پولشا, اقش جانە فرانتسيادا تاعىلىمدامالار مەن بىلىكتىلىكتى ارتتىرۋ كۋرستارىنان ءوتتى. كەيىن پرەزيدەنت اكىمشىلىگىندە مەملەكەتتىك حاتشىنىڭ حاتشىلىعىندا جۇمىس ىستەدى. 2009 جىلدان باستاپ – قر ءسىم جۇيەسىندە جۇمىس ىستەپ كەلەدى. حالىقارالىق اقپارات كوميتەتىنىڭ باسقارما باسشىسى جانە توراعاسىنىڭ ورىنباسارى, قازاقستاننىڭ پولشاداعى ەلشىلىگىنىڭ كەڭەسشىسى لاۋازىمدارىن اتقاردى.قر ءسىم حالىقارالىق اقپارات كوميتەتىنىڭ توراعاسى لاۋازىمىنا تاعايىندالعانعا دەيىن 2018 جىلعى قاڭتاردان باستاپ پاريج قالاسىنداعى يۋنەسكو جانىنداعى قر تۇراقتى وكىلىنىڭ ورىنباسارى قىزمەتىن اتقاردى. ەكىنشى سىنىپتى كەڭەسشى ديپلوماتيالىق دارەجەسى بار. اعىلشىن, پولياك جانە فرانتسۋز تىلدەرىن مەڭگەرگەن.