فيليپپين مەملەكەتىندە ورىن العان «حايان» تايفۋنى 220 مىڭ حالقى بار تاكلوبان قالاسىنىڭ تاس-تالقانىن شىعاردى. بۇل تۋرالى يتار-تاسس حابارلادى.
بۇگىن ءفيليپپيننىڭ توتەنشە جاعدايلار جونىندەگى ۇلتتىق اگەنتتىگى اپات سالدارىنان 100-دەن استام ادامنىڭ قازا بولعانىن مالىمدەدى.
الاپات تايفۋننىڭ قاۋىپىنەن فيليپپين مەملەكەتىندە جالپى 1 ميلليوننان اسا ادام قاۋىپسىز جەرگە كوشىرىلدى. داۋىل ەپيتسەنترىندەگى جەلدىڭ جىلدامدىعى ساعاتىنا 275 شاقىرىمدى قۇراپ, ال ەكپىنى كۇشەيگەن كەزدە ساعاتىنا 310 شاقىرىمعا دەيىن جەتۋدە. اپات ايماعىنداعى تەڭىزدىڭ تولقىندارى 6 مەتر بيىكتىككە دەيىن كوتەرىلگەن.
تابيعي اپاتتىڭ نەگىزگى سالماعى فيليپپين ورتالىعىنداعى سامار مەن لەيتە ارالدارىنا كەلىپ ءتۇستى. جەرگىلىكتى باق وكىلدەرىنىڭ مالىمدەۋىنشە, بۇل ايماقتاردا ەلەكتر جەلىسى تولىعىمەن ۇزىلگەن. سونداي-اق بىرقاتار كولىك پەن تەمىرجول قوزعالىستارى توقتاپ, 450-دەن اسا اۋە ساپارى كەيىنگە قالدىرىلعان.
ايدار ورىسباەۆ.