ۇلكەندى قۇرمەتتەپ, كىشىلىك ىزەتىن تانىتۋدى جازىلماعان زاڭى سانايتىن حالقىمىز ىزگى داستۇرىنەن قانداي جاعدايدا دا جاڭىلماي كەلەدى. وعان 1 قازان – «حالىقارالىق قارتتار كۇنى» مەرەكەسى قارساڭىندا ماڭعىستاۋ وبلىسى بويىنشا قاج دەپارتامەنتىنە باعىنىستى گم-172/6 مەكەمەسىندە جازاسىن وتەپ جاتقان قارت سوتتالعانداردىڭ نازاردان تىس قالماي, مەرەكە كۇنى ءوز باسشىلىعى مەن ارىپتەستەرىنىڭ قۇرمەتىنە بولەنۋى دالەل.
اتاۋلى مەرەكەنى جازاسىن وتەۋشىلەر ۇلكەن دايىندىقپەن, كوتەرىڭكى كوڭىل كۇيمەن اتاپ ءوتتى. مەكەمە اكىمشىلىگىنىڭ ۇيىمداستىرۋىمەن كلۋبتا مەرەكەلىك كونتسەرت ۇيىمداستىرىلىپ, قارت سوتتالۋشىلاردىڭ قۇرمەتىنە ارنالىپ ولەڭدەر مەن مەرەكەلىك اندەر, كوڭىلدى قۇتتىقتاۋلار, مۋزىكالىق سلايد-شوۋلار, ساحنالىق قويىلىمدار كورسەتىلدى.
مەرەكەلىك ءىس-شارانى مەكەمە باستىعىنىڭ تاربيە جۇمىستارى جونىندەگى ورىنباسارى, ادىلەت مايورى ازات شابيكوۆ رەسمي تۇردە اشىپ, ەگدە جاستاعى سوتتالعانداردى ايتۋلى مەرەكەمەن قۇتتىقتاپ, ولاردىڭ وتباسىنا امان-ەسەن ورالۋىنا تىلەكتەستىك ءبىلدىردى.
– حالىقارالىق قارتتار كۇنى قارساڭىندا مەكەمەدە جالپى سانى 15 اعا بۋىن سوتتالعاندارعا ەرەكشە قۇرمەت كورسەتىلىپ, مەكەمە باستىعىنىڭ بۇيرىعىمەن ماراپاتتالدى. قارتتارعا قاشاندا, قاي جەردە جۇرسە دە قۇرمەت كورسەتۋگە ءتيىستىمىز, باسىنا ءىس تۇسكەن ادامداردىڭ وتباسىنان تىس, ارنايى مەكەمەدە جازاسىن وتەۋشى ەكەندىگى ولارعا دەگەن ىقىلاستى, قۇرمەتتى جوققا شىعارا المايدى, دەيدى مەكەمە باستىعىنىڭ تاربيە جۇمىستارى جونىندەگى ورىنباسارى, ادىلەت مايورى ازات شابيكوۆ.
مەرەكەلىك شاراعا قارتتار دا, ۇيىمداستىرۋشىلار دا ريزا. جازاسىن وتەۋشىلەر تەك قارتتار كۇنىندە ەمەس, وزگە دە ماڭىزدى مەرەكەلەردى تاعىلىمدى, مازمۇندى شارالارمەن اتاپ ءوتۋدى ءجون سانايدى.
ماڭعىستاۋ وبلىسى