ءبىزدىڭ ەلدە مۇنداي دا ادىلەتسىزدىككە جول بەرىلەدى دەپ ويلامايتىن ەدىم. الايدا, وسى ءبىر جاعداي ءوز باسىمنان وتكەن سوڭ ەشنارسەگە دە تاڭ قالۋدىڭ رەتى جوق ەكەنىن ءتۇسىندىم. سەبەبى, قورعانىس مينيسترلىگىنىڭ 19132-اسكەري بولىمىندە ەسەپشى بولىپ جۇمىس ىستەپ جۇرگەن مەنى اياق استىنان جۇمىستان قۋىپ شىقتى. ءيا, سولاي, كادىمگى الدى-ارتىما قاراتپاي, تەكسەرىس جاساماي مەنەن كاسسانى تارتىپ الىپ, «ەڭبەك كودەكسىنىڭ 54-بابى, 1-تارماعىنىڭ 10-تارماقشاسى بويىنشا جۇمىستان بوسسىڭ», دەدى. ءسويتىپ, ەكەۋى كامەلەت جاسىنا دا جەتپەگەن, ال ەڭ كىشىسى 3 جاسقا تولماعان ءۇش بالاممەن جۇمىسسىز دالادا قالدىم. باسشىلىق مۇنداي قاتىگەزدىككە باراتىنداي مەن نە ىستەپ قويدى دەيسىز عوي.
ءبىزدىڭ ەلدە مۇنداي دا ادىلەتسىزدىككە جول بەرىلەدى دەپ ويلامايتىن ەدىم. الايدا, وسى ءبىر جاعداي ءوز باسىمنان وتكەن سوڭ ەشنارسەگە دە تاڭ قالۋدىڭ رەتى جوق ەكەنىن ءتۇسىندىم. سەبەبى, قورعانىس مينيسترلىگىنىڭ 19132-اسكەري بولىمىندە ەسەپشى بولىپ جۇمىس ىستەپ جۇرگەن مەنى اياق استىنان جۇمىستان قۋىپ شىقتى. ءيا, سولاي, كادىمگى الدى-ارتىما قاراتپاي, تەكسەرىس جاساماي مەنەن كاسسانى تارتىپ الىپ, «ەڭبەك كودەكسىنىڭ 54-بابى, 1-تارماعىنىڭ 10-تارماقشاسى بويىنشا جۇمىستان بوسسىڭ», دەدى. ءسويتىپ, ەكەۋى كامەلەت جاسىنا دا جەتپەگەن, ال ەڭ كىشىسى 3 جاسقا تولماعان ءۇش بالاممەن جۇمىسسىز دالادا قالدىم. باسشىلىق مۇنداي قاتىگەزدىككە باراتىنداي مەن نە ىستەپ قويدى دەيسىز عوي.
مەن جۇمىستاعى كەيبىر قىزمەتكەرلەردىڭ ورىنسىز ارەكەتى تۋرالى قورعانىس ءمينيسترىنىڭ بلوگىنا حات جازعام. سويتسەم, بۇلاي ىستەۋگە بولمايدى ەكەن, باسشىلىق مەنىڭ سوڭىمنان جارىق كۇندە شام الىپ ءتۇستى. اقىرى ءبولىم كومانديرى قولىنداعى بيلىكتى پايدالانىپ, دالاعا لاقتىرىپ تاستادى. ال اتالعان زاڭ بويىنشا 3 جاسقا تولماعان بالاسى بار انانى جۇمىستان ەشكىم دە بوساتۋعا ءتيىس ەمەس ەدى. ءتىپتى, ماعان باسقا جۇمىس ۇسىنۋعا دا ءتيىس ەدى, ول دا بولعان جوق. ال, ەڭ باستىسى, مەنى جۇمىستان بوساتۋ تۋرالى 54-باپتىڭ 1-تارماعىنىڭ 10-تارماقشاسى تەكسەرۋ مەن دالەلدى قاجەت ەتەدى. مۇنداي باپپەن بوساتقانى تۋرالى تەك قولىما ەڭبەك كىتاپشاسى تيگەندە ءبىر-اق ءبىلدىم. ەندى مۇنى قالاي تۇسىنۋگە بولادى؟ ءبىزدىڭ ەلدە مۇنداي جاعدايدىڭ اق, قاراسىن انىقتاپ, ادىلدىكتى قالپىنا كەلتىرە الار مەكەمە, ءسويتىپ, بۇزىلعان ادام قۇقى ورىندالار كۇن بار ما ەكەن؟
ارداق بەكماعانبەتوۆا,
19132-اسكەري ءبولىمنىڭ بۇرىنعى قىزمەتشىسى.