پارلامەنت سەناتىنداعى «ءوڭىر» دەپۋتاتتىق توبى الماتى وبلىسىندا كوشپەلى وتىرىس وتكىزدى. بۇل باسقوسۋ مەملەكەت باسشىسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋى اياسىندا حالىقتى جۇمىسپەن قامتۋ جونىندەگى مەملەكەتتىك ساياسات» تاقىرىبى بويىنشا ۇيىمداستىرىلدى.
پارلامەنت سەناتىنداعى «ءوڭىر» دەپۋتاتتىق توبى الماتى وبلىسىندا كوشپەلى وتىرىس وتكىزدى. بۇل باسقوسۋ مەملەكەت باسشىسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋى اياسىندا حالىقتى جۇمىسپەن قامتۋ جونىندەگى مەملەكەتتىك ساياسات» تاقىرىبى بويىنشا ۇيىمداستىرىلدى.
شاراعا «ءوڭىر» دەپۋتاتتىق توبىنىڭ مۇشەلەرى – سەناتورلار ەرمەك جۇماباەۆ, قۋانىش ايتاحانوۆ, ۆلاديمير بوبروۆ, اسحات كۇزەكوۆ, نۇرلان سۇلەيمەنوۆ, ورىنباي راحمانبەرديەۆ, لاززات تۇرلاشوۆ, ەڭبەك جانە حالىقتى الەۋمەتتىك قورعاۋ مينيسترىنىڭ ورىنباسارى قايرات ءابساتتاروۆ, الماتى وبلىسى اكىمىنىڭ ورىنباسارى سەرىكجان بەسكەمپىروۆ, جەرگىلىكتى اتقارۋشى ورگانداردىڭ, ۇكىمەتتىك ەمەس ۇيىمداردىڭ وكىلدەرى قاتىستى.
«بيلىكتىڭ زاڭ شىعارۋ تارماعى مەن ايماقتاردى مەملەكەتتىك باسقارۋ ورگاندارىمەن ءبىزدىڭ ءبىرلەسكەن جۇمىستارىمىز ايماقتاردىڭ الەۋمەتتىك-ەكونوميكالىق جاعدايىن ودان ءارى دامىتۋعا ىقپال ەتەدى», دەپ اتاپ ءوتتى پارلامەنت سەناتىنىڭ دەپۋتاتى, «ءوڭىر» دەپۋتاتتىق توبىنىڭ جەتەكشىسى ەرمەك جۇماباەۆ.
سەناتور مەملەكەت باسشىسىنىڭ «قازاقستان-2050» ستراتەگياسىندا الەۋمەتتىك ساياساتتىڭ جاڭا قاعيدالارى: الەۋمەتتىك كەپىلدىك جانە جەكە جاۋاپكەرشىلىكتى جاريا ەتكەنىن اتاپ ءوتتى. قازاقستان پرەزيدەنتى ءبىزدىڭ مەملەكەتىمىزدىڭ الەۋمەتتىك ساياساتىن جاڭعىرتۋدى, ونىڭ تيىمدىلىگىن مەيلىنشە ارتتىرۋدى ۇسىنىپ وتىر. «ەكونوميكانىڭ وركەندەۋىن ەسكەرە وتىرىپ, ءومىر ساپاسىن بىرتە-بىرتە كوتەرۋدى كوزدەيتىن الەۋمەتتىك تومەنگى ستاندارتتار مەن ازاماتتارعا ارنالعان كەپىلدىكتەر زاڭ جۇزىندە بەلگىلەنەتىن بولادى. بۇل رەتتە مەملەكەت تەك مۇقتاج جاندارعا – زەينەتكەرلەرگە, مۇگەدەكتەرگە, ەڭبەككە جارامسىزدارعا, سىرقات بالالارعا جانە باسقالارعا الەۋمەتتىك قولداۋ كورسەتەدى, ال جۇمىسسىزدارعا جاڭا كاسىپ مەڭگەرىپ جانە قايتا دايارلىقتان وتسە عانا الەۋمەتتىك قولداۋ جاسالاتىن بولادى», دەدى ە.جۇماباەۆ.
سەناتور سونداي-اق «جۇمىسپەن قامتۋ-2020» باعدارلاماسىن جانە «جۇمىسپەن قامتۋ-2020» جول كارتاسىن ىسكە اسىرۋ جانە ونىڭ كەلەشەگى تۋرالى ايتا كەلىپ, وتىرىس قورىتىندىسى بويىنشا ونى مەزگىلىندە جانە ساپالى جۇزەگە اسىرۋ ءۇشىن ناقتى ۇسىنىستار ازىرلەنەتىنىن جەتكىزدى.
«ءوڭىر» دەپۋتاتتىق توبىنىڭ «ۇدەمەلى يندۋستريالىق-يننوۆاتسيالىق دامۋ مەملەكەتتىك باعدارلاماسى – قازاقستاندىقتاردى جۇمىسپەن قامتۋداعى ورنىقتىلىقتىڭ باستى فاكتورى» تاقىرىبى بويىنشا وتكەن وتىرىستىڭ بارىسىندا سەناتور ۆلاديمير بوبروۆ ءسوز سويلەدى. دەپۋتات جوعارى ەڭبەك ونىمدىلىگى مەن لايىقتى ەڭبەكاقىسى بار تۇراقتى جۇمىس ورىندارىن اشۋعا مۇمكىندىك بەرەتىن «ۇدەمەلى يندۋستريالىق-يننوۆاتسيالىق دامۋ» مەملەكەتتىك باعدارلاماسى ۇكىمەتتىڭ باستى قۇرالى ەكەنىن اتاپ كورسەتتى. ول باعدارلامانى ىسكە اسىرۋ بويىنشا كاسىپورىندار قۇرىلىسى كەزىندە 220 مىڭ جۇمىس ورىندارى اشىلاتىن 779 جوبانى ىسكە قوسۋ كوزدەلەتىنىن جانە جوبالار ىسكە اساتىن بارلىق كەزەڭدە 181 مىڭ تۇراقتى جۇمىس ورىندارى بولاتىنىن كولدەنەڭ تارتتى, دەپ حابارلادى سەناتتىڭ ءباسپاسوز قىزمەتى.
_____________________________________
فوتوكۇندەلىك
سۋرەتتەردى تۇسىرگەن ورىنباي بالمۇرات.