«جۇمىسپەن قامتۋدىڭ جول كارتاسى» اياسىندا 15 253 جاڭا جۇمىس ورنىن قۇرۋ كوزدەلگەن. ونىڭ جارتىسىنا جۇمىسسىزداردى ورنالاستىرۋ حالىقتى جۇمىسپەن قامتۋ ورتالىعىنا بەرىلگەن. بۇل تۋرالى ەلوردا اكىمدىگىنىڭ رەسمي سايتى حابارلادى.
«2020 جىلى ەلوردادا 151 ينفراقۇرىلىمدىق جوبانى ىسكە اسىرۋ جوسپارلانعان. قازىرگى تاڭدا 148 وبەكتى بويىنشا جۇمىستار جۇرگىزىلىپ جاتىر. بۇل باعدارلاما اياسىندا مەكتەپتەر, اۋرۋحانالار تۇرعىن ۇيلەرى جوندەلىپ نەمەسە قۇرىلىسى جۇرگىزىلىپ جاتقان, ينجەنەرلىك-كولىك ينفراقۇرىلىمىن كۇردەلى ورتاشا جانە اعىمداعى جوندەۋ, قايتا جاڭارتۋ جانە سالۋ, كوگالداندىرۋ بويىنشا بوس جۇمىس ورىندارى ۇسىنىلادى»,- دەلىنگەن حالىقتى جۇمىسپەن قامتۋ ورتالىعىنىڭ حابارلاماسىندا.
بۇگىنگى تاڭدا «جۇمىسپەن قامتۋدىڭ جول كارتاسى» باعدارلاماسى بويىنشا 14 مىڭعا جۋىق ادام جۇمىس تاپتى. ونىڭ 7 489-ى جۇمىسپەن قامتۋ ورتالىعى ارقىلى جۇمىسقا ورنالاستىرىلدى.
ورتالىقتا «جۇمىسپەن قامتۋدىڭ جول كارتاسى» بويىنشا جۇمىستارعا حالىقتى جۇمىسپەن قامتۋ ورتالىعىنا جۇمىسسىز رەتىندە تىركەلگەندەر جانە ينفراقۇرىلىمدىق جوبالاردى ىسكە اسىراتىن جۇمىس بەرۋشى-مەردىگەرلەرگە, ۋاقىتشا تىركەلگەن ادامداردى قوسا العاندا, وسى اۋداندا (قالادا) تۇراتىن جۇمىسسىزدار جىبەرىلەدى.
«جۇمىسپەن قامتۋدىڭ جول كارتاسى» باعدارلاماسى - حالىقتى جۇمىسپەن قامتۋ ماسەلەلەرىن جەدەل شەشۋ ماقساتىندا ازىرلەنگەن.ول قوسىمشا جۇمىس ورىندارىن قۇرۋعا, الەۋمەتتىك, ينجەنەرلىك-كولىكتىك ينفراقۇرىلىمدى جانە تۇرعىن ءۇي-كوممۋنالدىق شارۋاشىلىقتى دامىتۋ, ەلدى مەكەندەردى اباتتاندىرۋ بويىنشا ينفراقۇرىلىمدىق جوبالاردى ىسكە اسىرۋ ەسەبىنەن جۇمىسسىز ازاماتتار سانىنىڭ وسۋىنە جول بەرمەۋگە باعىتتالعان شارالار كەشەنىن انىقتايدى. نۇر-سۇلتان قالاسى اكىمدىگىنىڭ «حالىقتى جۇمىسپەن قامتۋ ورتالىعى» بەيبىتشىلىك ك-ءسى-25, «وركەن» ءىو-دا ورنالاسقان. «جۇمىسپەن قامتۋدىڭ جول كارتاسى» بويىنشا مالىمەت الۋ ءۇشىن 7(7172)57 89 37, 8 777 116 82 73 نومەرىنە حابارلاسىپ بىلۋگە بولادى.
جول كارتاسى بويىنشا بوس جۇمىس ورىندارى تۋرالى مالىمەتتەر enbek.kz پورتالىندا جاريالانادى.