ورالدا مۇعالىمدەر ماراپاتتالدى

ورال قالاسىنداعى سالتانات سارايىنىڭ ۇلكەن زالىندا وتكەن «ۇستاز – ۇلى ەسىم» اتتى شاراعا ءوڭىر باسشىسى عالي ەسقاليەۆ قاتىستى.

– بۇگىندە وبلىسىمىزداعى 150 مىڭنان استام ستۋدەنت پەن وقۋشىعا 21 مىڭنان اسا مۇعالىم مەن وقىتۋشى ساباق بەرىپ ءجۇر ەكەن. بىلىكتى ماماندار تاربيەلەگەن شاكىرتتەر ءبىزدى ءتۇرلى جەتىستىگىمەن قۋانتىپ كەلەدى. بيىلدىڭ وزىندە 35 وقۋشىمىز رەسپۋبليكالىق جانە حالىقارالىق وليمپيادالار مەن عىلىمي بايقاۋلاردىڭ جەڭىمپازى اتاندى. 29 وقۋشى IQanat وليمپياداسىندا ۇزدىك شىعىپ, قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆ قورىنىڭ گرانتىنا يە بولدى. ولار ەندى وقۋىن IQanat High School Burabaۋ مەكتەبىندە جالعاستىرادى. ءدال وسى كورسەتكىش بويىنشا باتىس قازاقستان وبلىسى – رەسپۋبليكادا الدا تۇر, – دەدى ءوز سوزىندە عالي ناجىمەدەن ۇلى.

بۇل كۇنى ءوز سالاسىندا توپ جارىپ, ۇزدىك شىققان مۇعالىمدەر ءتۇرلى سىيلىقپەن, سەرتيفيكات جانە ماقتاۋ قاعازدارىمەن ماراپاتتالدى.

ەلىمىزدە مۇعالىمدەردىڭ شىعارماشىلىق الەۋەتىن كوتەرۋ, كاسىبي شەبەرلىگىن شىڭداۋ ماقساتىندا «ۇزدىك پەداگوگ» كونكۋرسى 2012 جىلدان باستاپ وتكىزىلىپ كەلەدى. بيىلعى بايقاۋدىڭ وبلىستىق كەزەڭىندە جەڭىمپاز اتانعان سىرىم اۋدانى قادىر مىرزاليەۆ اتىنداعى مەكتەپتىڭ تاريح جانە قۇقىق ءپانىنىڭ مۇعالىمى گۇلدانا نۇعمانوۆا مەن وبلىستىق تەحنيكالىق شىعارماشىلىق ورتالىعىنىڭ قوسىمشا ءبىلىم بەرۋ پەداگوگى ميربولات قۇسپانوۆ «ۇزدىك پەداگوگكە» توسبەلگىسىنە جانە 2 778 000 تەڭگە كولەمىندەگى سىياقىعا يە بولدى.

وسى كۇنى ورال قالاسىنداعى №35 مەكتەپ-ليتسەيىنىڭ ماتەماتيكا ءپانى مۇعالىمى ءساليما اليەۆا, بايتەرەك اۋدانى «ەركەماي» بوبەكجايىنىڭ مەڭگەرۋشىسى تاتيانا ساۆچەنكو, ورال «سەرۆيس» تەحنولوگيالىق كوللەدجىنىڭ وندىرىستىك وقىتۋ شەبەرى گالينا بەلوۆا قازاقستان رەسپۋبليكاسى ءبىلىم جانە عىلىم مينيسترلىگىنىڭ «ى.التىنسارين» توسبەلگiسiمەن ماراپاتتالدى.

ال قازتالوۆ اۋدانى ع.مولداشەۆ اتىنداعى ورتا مەكتەپتىڭ قازاق ءتىلى مەن ادەبيەتى ءپانىنىڭ مۇعالىمى ءلايلا بادەلوۆا, باتىس قازاقستان وبلىستىق وتباسى ۇلگىسىندەگى بالالار اۋىلىنىڭ انا-تاربيەشىسى فاريدا اقمۇرزينا, قاراتوبە كوللەدجى ماتەماتيكا ءپانىنىڭ وقىتۋشىسى زاۋرەش جۇماعاليەۆا, جاھانشا دوسمۇحامبەتوۆ اتىنداعى جوعارى پەداگوگيكالىق كوللەدجىنىڭ وقىتۋشىسى قىرىمجان جاقىپوۆا, ءبورلى كوللەدجىنىڭ ديرەكتورى مۇرات وتەمۇراتوۆجانە  تەرەكتى كوللەدجىنىڭ وندىرىستىك وقىتۋ شەبەرى داريعا ورمانوۆا «بiلiم بەرۋ iسiنiڭ قۇرمەتتi قىزمەتكەرi» توسبەلگiسiن وڭىرىنە تاقتى.

قازاقستان رەسپۋبليكاسىنىڭ «پەداگوگ مارتەبەسى تۋرالى» زاڭىنا سايكەس بيىل ءبىلىم سالاسىنداعى جەتىستىكتەرى ءۇشىن وبلىس اكىمىنىڭ قاۋلىسىمەن «باتىس قازاقستان وبلىسىنىڭ ءبىلىم سالاسىنا قوسقان ۇلەسى ءۇشىن» توسبەلگىسى جانە 300 ەسەلەنگەن تومەنگى ايلىق ەسەپتىك كورسەتكىش كولەمىندەگى سىياقى بەلگىلەندى. دارىندى بالالارعا ارنالعان ساكەن سەيفۋللين اتىنداعى №11 وبلىستىق مامانداندىرىلعان مەكتەپ-ينتەرناتىنىڭ باستاۋىش سىنىپ مۇعالىمى گۇلشات سۋحانوۆا بۇل سىيلىقتىڭ تۇڭعىش لاۋرەاتى اتاندى.

ال وبلىستاعى ءتۇرلى مەكتەپ پەن كوللەدجدەردە ەڭبەك ەتەتىن جەڭىس شوڭباەۆ, ولگا گالكينا, اسان زايروۆ, ءاليا حاسانوۆا, جادىگەر نەگمەتوۆ, گۇلميرا تاشاەۆا, رايلاش چۋيۋنشاليەۆا, يرينا لۋكاشوۆا, سەرىك الىمبەكوۆ, ۋزىپا ساتىبالديەۆا, گۇلبارشىن ساپاحوۆا جانە مارجان كاپاشەۆالار باتىس قازاقستان وبلىسى اكىمىنىڭ العىس حاتىمەن ماراپاتتالدى.

باتىس قازاقستان وبلىستىق ءبىلىم باسقارماسى جىل سايىن وبلىستىق كاسىپوداق ۇيىمىمەن بىرىگىپ ءتۇرلى اتالىمدا ارنايى سىيلىقتار ۇسىنۋدى داستۇرگە اينالدىرعان بولاتىن. بيىلعى س ۆىيلىق - «سارىاعاش» شيپاجايىنا جولدامانى باتىس قازاقستان وبلىستىق ءبىلىم جانە عىلىم قىزمەتكەرلەرىنىڭ كاسىپوداق ۇيىمىنىڭ توراعاسى مارات داۋپاەۆ تاپسىردى. جولداماعا ءبىلىم بەرۋ ۇيىمدارىنىڭ باسشىلارىنا ارنالعان «ۇزدىك كوشباسشى» اتالىمىنىڭ يەگەرى اتانعان سىرىم اۋدانى «بالدىرعان» بالاباقشاسىنىڭ مەڭگەرۋشىسى عاليا بالپىسوۆا, «ديرەكتوردىڭ وقۋ-تاربيە ءىسى جونىندەگى ۇزدىك ورىنباسارى» اتالىمىنىڭ يەگەرى بوكەيورداسى اۋدانى ش.جەكسەنباەۆ اتىنداعى ورتا مەكتەبى ديرەكتورىنىڭ ورىنباسارى ۆەنەرا تاڭاتوۆا, قاشىقتان وقۋ جاعدايىندا وقۋ پروتسەسىن ءتيىمدى ۇيىمداستىرا بىلگەن پەداگوگتار اراسىنداعى ء«ىت پەداگوگ» اتالىمىنىڭ يەگەرى ءبورلى اۋدانى اقساي قالاسىنىڭ №3 ورتا مەكتەبى ينفورماتيكا ءپانىنىڭ مۇعالىمى مايرا مۇحامبەتقاليەۆا, قايىرىمدىلىق ىستەرمەن اينالىسىپ, ۇلەس قوسىپ جۇرگەن پەداگوگتار اراسىندا «ۆولونتەر پەداگوگ» اتالىمىنىڭ يەگەرى شىڭعىرلاۋ اۋدانى ل.قىلىشەۆ اتىنداعى ورتا مەكتەبىنىڭ دەنە شىنىقتىرۋ ءپانى مۇعالىمى داميليا تۇرعاليەۆا, بالا تاربيەسىمەن بىرگە پەداگوگيكالىق قىزمەتتى قاتار الىپ جۇرگەن كوپ بالالى انا پەداگوگتار اراسىنداعى «التىن ۇرپاق» اتالىمىنىڭ يەگەرى تاسقالا اۋدانى دوستىق ورتا مەكتەبىنىڭ ماتەماتيكا ءپانىنىڭ مۇعالىمى نۇرسۇلۋ ىزگاليەۆا جانە پەداگوگتار اراسىنداعى «تابيعات جاناشىرى» نوميناتسياسىنىڭ يەگەرى باتىس قازاقستان وبلىستىق ەكولوگيالىق-بيولوگيالىق ورتالىعىنىڭ قوسىمشا ءبىلىم بەرۋ پەداگوگى جاڭىلاي جالگەلدەەۆالار يە بولدى.