الماتىدا بىرنەشە شاعىناۋداننىڭ تۇرعىندارى جىلۋ مەن ىستىق سۋسىز قالدى, دەپ حابارلايدى Egemen.kz اكىمدىكتىڭ ءباسپاسوز قىزمەتىنە سىلتەمە جاساپ.
"مەندىقۇلوۆ كوشەسىندە ديامەترى 800 مم بولاتىن قۇبىردىڭ جانە سنەگينا كوشەسىندەگى ديامەترى 300 مم بولاتىن سۋ قۇبىرىنداعى اپاتتى جاعدايعا بايلانىستى بىرقاتار ۇيگە ىستىق سۋ مەن جىلۋ بەرۋ توقتاتىلدى. اتاپ ايتساق, "التس" جشس ماڭىنداعى سامال-1-2-3 ىقشاماۋدانى, قاجىمۇقان-دوستىق, چايكين-وماروۆ-بايجانوۆ كوشەلەرى بويىنداعى ۇيلەر", دەلىنگەن حابارلامادا.
بارلىعى 180 ۇيگە ىستىق سۋ مەن جىلۋ بەرۋ توقتاتىلعان. قازىرگى كەزدە "التس" جشس-ءى اپاتتى قىزمەتىمەن قالىپقا كەلتىرۋ جۇمىستارى جۇرگىزىلىپ جاتىر.