بۇل تۋرالى وكق بريفينگىندە اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتى توراعاسىنىڭ مىندەتىن اتقارۋشى تۇرسىن قابدۋلدانوۆ مالىمدەدى, دەپ حابارلايدى Egemen.kz
"وتكەن تاۋلىك ديناميكاسى ءولىم-ءجىتىمنىڭ تومەندەۋىن كورسەتەدى. سونىمەن, وتكەن تاۋلىكتە قۇستاردىڭ قىرىلۋى تۇركىستان, جامبىل, اقتوبە, قاراعاندى وبلىستارى مەن شىمكەنتتە توقتادى. سونىمەن قاتار, سولتۇستىك قازاقستان, پاۆلودار جانە قوستاناي وبلىستارىندا ءولىم دەڭگەيى تومەندەۋدە", دەدى ول.
جالپى, قۇس ءولىمى 7 وبلىستىڭ 41 اۋدانىنداعى 99 ەلدىمەكەندە تىركەلدى. 23 854 باس جەكە شارۋا قوجالىقتارىندا جويىلدى. ەكى قۇس فابريكاسىنداعى ءولىم-ءجىتىمدى ەسەپكە العاندا, ولگەن قۇستاردىڭ جالپى سانى 330 مىڭ باستان اسپايدى.