بۇگىنگى كۇنى دەربەستىكتىڭ كوك تۋى جەلبىرەپ, تالاي يگى باستامالارىمەن ايداي الەمدى تامساندىرعان ازات ەلىمىز جىل ساناپ ءوسىپ-وركەندەپ, ولقىلىقتاردىڭ ورنىن ارتىعىمەن تولتىرىپ جاتىر. ايتالىق, العاشقى جىلدارى توقىراۋعا ۇشىراعان جەرگىلىكتى كاسىپكەرلەرىمىز, شارۋا قوجالىقتارىمىز بۇگىندە ءبىراز قور جيناپ, تىندىرىمدى تىرلىكتەر اتقارىپ, ەڭسەلەرىن تىكتەي ءتۇستى. ءبىز بۇگىندە ءوز كاسىبىن دوڭگەلەتىپ وتىرعان الىبەك سارتاەۆ جونىندە اڭگىمە قوزعاۋدى ءجون كورگەن ەدىك.
بۇگىنگى كۇنى دەربەستىكتىڭ كوك تۋى جەلبىرەپ, تالاي يگى باستامالارىمەن ايداي الەمدى تامساندىرعان ازات ەلىمىز جىل ساناپ ءوسىپ-وركەندەپ, ولقىلىقتاردىڭ ورنىن ارتىعىمەن تولتىرىپ جاتىر. ايتالىق, العاشقى جىلدارى توقىراۋعا ۇشىراعان جەرگىلىكتى كاسىپكەرلەرىمىز, شارۋا قوجالىقتارىمىز بۇگىندە ءبىراز قور جيناپ, تىندىرىمدى تىرلىكتەر اتقارىپ, ەڭسەلەرىن تىكتەي ءتۇستى. ءبىز بۇگىندە ءوز كاسىبىن دوڭگەلەتىپ وتىرعان الىبەك سارتاەۆ جونىندە اڭگىمە قوزعاۋدى ءجون كورگەن ەدىك.
الىبەك سارتاەۆ ءومىر بويى ادال نيەتىمەن, ىسىمەن قوعامعا قىزمەت ەتىپ كەلەدى. ءوزىن ەكى قولعا ءبىر كۇرەك تابا المايتىنداردىڭ قاتارىنا جاتقىزباعان ول قۇر جاتپاي شارۋاسىن دوڭگەلەتۋدە. ەڭ الدىمەن الىبەك ءۇيىنىڭ جانىنان دوڭگەلەك جوندەۋ شەبەرحاناسىن اشتى. كەيىن ءىسى العا باسىپ, ورتالىقتان شاعىن عيمارات سالىپ, زامان تالابىنا ساي جاڭا قوندىرعىلاردى ساتىپ الدى. بۇگىندە دوڭگەلەك جوندەۋ ورنى اۋىل ورتالىعىنىڭ م.مامەتوۆا كوشەسىندە ورنالاسقان.
بۇگىنگى دامىعان زاماندا اۆتوكولىكتىڭ ءتۇر-ءتۇرىن كورۋگە بولادى. وسىعان وراي اۆتوكولىكتەرگە قىزمەت كورسەتەتىن ورىندار دا اشىلۋدا. وتكەندى ەسكە تۇسىرەر بولساق, اۆتوكولىك جوندەۋ بەكەتتەرىن تەك قالادان كورەتىنبىز. ال اۋىلدا دوڭگەلەك جوندەۋ شەبەرحاناسىن كورۋ قيىنعا سوعاتىن. كولىكتىڭ «ءتىلى مەن ىشەك-باۋىرىن» تۇسىنەتىن ازاماتتار ءۇيىنىڭ جانىنداعى گاراجدارىنان ونى-مۇنىسىن جوندەپ الاتىن. ال قازىر اۋىلدا ءبىر-ەكى جەردە سەرۆيستىك قىزمەت كورسەتۋ ورتالىقتارى اشىلىپ, كولىك يەلەرىنىڭ كوزى اشىلدى. ماماندار اقىسىنا قاراي تەمىر تۇلپارلاردىڭ اقاۋىن لەزدە تاۋىپ بەرەتىن جاعدايعا جەتتى. بۇل ورىندا اۆتوكولىك دوڭگەلەگىنە ءتۇرلى قىزمەت كورسەتىلەدى. دوڭگەلەكتى اشىپ-جابۋ, بوساتىپ الۋ, ۇرلەۋ سەكىلدى جۇمىستار جاڭا ۇلگىدەگى قۇرىلعىلارمەن جاسالادى. سونىمەن قاتار دوڭگەلەك كامەرالارىن جەلىمدەۋ, قىسىمىن ولشەۋ قىزمەتى دە بار.
– كۇننەن كۇنگە كولىكتەردىڭ سانى ارتىپ كەلەدى. اۋىلدىڭ ىشىندە قانشا كولىك بارىن سانامالاۋدىڭ ءوزى ارتىق. كولىكتەردىڭ دوڭگەلەكتەرىن جوندەۋ حالىق ءۇشىن بىردەن-ءبىر قاجەت دەپ ەسەپتەيمىن, – دەيدى جەكە كاسىپكەر الىبەك.
قاشاندا قىزۋ جۇمىستىڭ ورتاسىنداعى الاقاڭ دوڭگەلەك جوندەۋ عيماراتىن كەڭەيتىپ, جىلۋ جۇرگىزىپ, جىلىتۋ قازاندىعىن بولەك شىعارعان. بۇگىنگى تاڭدا دوڭگەلەك جوندەۋ ەمەس, اۆتوكولىكتەردىڭ اقاۋىن قارايتىن تسەحى دا جۇمىس جاساپ تۇر. سونىمەن قاتار وسى شەبەرحاناسىنىڭ جانىنان اۆتوبولشەكتەر ساتۋدى قولعا العان. اۆتوبولشەكتەردى سوناۋ رەسەيدىڭ تولياتتي قالاسىنان الىپ, ساپاسىنا كوڭىل اۋدارىپ, ءتيىمدى باعامەن ساتۋدا.
الىبەك سارتاەۆ ءوز قاراجاتى ەسەبىنەن بولاشاقتا اۆتوكولىك جۋ, اعاش جونۋ شەبەرحاناسىن اشۋ جوسپاردا بار ەكەنىن, ونىڭ بارلىق قۇرىلىس ماتەريالدارى دايىن ەكەنىن ايتقان ەدى.
– اۆتوكولىكتەردىڭ دوڭگەلەكتەرىن جوندەۋدە ايبەك باتىروۆتىڭ ەڭبەگى زور. تۇتىنۋشىلاردان ەشقانداي ەسكەرتۋ الىپ كورگەن ەمەس. بۇل جۇمىستار ەكىنىڭ ءبىرىنىڭ قولىنان كەلە بەرمەيدى, – دەيدى الاقاڭ بىزبەن اڭگىمەسىندە.
تالابى زور كاسىپكەر اعامىزدىڭ كاسىبى العا جۇرەر بولسا, وسى جەرگە كولىگىمىزدىڭ اقاۋىن ءجوندەۋگە, كولىگىمىزدى جۋعا تالاي كەلەرمىز.
تۇراربەك اقمۋرزين.