مانەرلەپ سىرعاناۋدان وليمپيادا جۇلدەگەرى دەنيس تەننىڭ اتىنا تاعايىندالعان شاكىرتاقىعا قۇجاتتار قابىلدانۋدا, دەپ حابارلايدى Egemen.kz.
بايقاۋ تالاپتارى قازاقستان-بريتان تەحنيكالىق ۋنيۆەرسيتەتىنىڭ رەسمي سايتىنا جاريالاندى. جوبانىڭ ماقساتى - وقۋ ۇلگەرىمى جوعارى, سپورت پەن مادەنيەت سالاسىنىڭ دامۋىنا سەپتىگىن تيگىزىپ, جاستار اراسىندا ءپاتريوتيزمدى ناسيحاتتاپ, زور ۇلەس قوسىپ جۇرگەن دارىندى ستۋدەنتتەردى قولداۋ.
بايقاۋ شارتى بويىنشا دەنيس تەن اتىنداعى شاكىرتاقىعا تاعايىنداۋ ءۇش كەزەڭ بويىنشا جۇرگىزىلەدى:
1 كەزەڭ: وتىنىشتەردى قابىلداۋ - 25 قىركۇيەك پەن 15 قزان ارالىعى; 2 كەزەڭ: وتىنىشتەردى ىرىكتەۋ - 23 قازانعا دەيىن; 3 كەزەڭ: ناتيجەسىن شىعارۋ - 26 قازان.
شاكىرتاقىعا قبتۋ-دا وقيتىن (باكالاۆر, ماگيستراتۋرا), سپورتتا جوعارى ناتيجەگە قول جەتكىزگەن قازاقستان رەسپۋبليكاسىنىڭ ازاماتى قاتىسا الادى.