باتىس قازاقستان وبلىسىنىڭ بايتەرەك اۋدانىندا تەمىر داۋىرىندە ءومىر سۇرگەن ادامنىڭ سۇيەگى تابىلدى, دەپ حابارلايدى Egemen.kz.
بۇل اۋماقتا قازبا جۇمىستارى وتكەن اپتادا باستالىپتى. سايكەسىنشە بىرنەشە كۇننىڭ ىشىندە ارحەولوگتار وسىنداي جاڭالىعىن ءبولىسىپ وتىر. ولاردىڭ ايتۋىنشا, تابىلعان سۇيەك ءبىزدىڭ زامانىمىزعا دەيىنگى IV-VI عاسىرلارعا ءتان.
"جوبا 2-3 ايعا ەسەپتەلگەن. قازبا جۇمىستارىنىڭ باستى ماقساتى - وتكەندى, تەمىر داۋىرىندە قايتىس بولعان اداماردى جەرلەۋ راسىمدەرى قالاي جۇزەگە اسىرىلعانىن, قانداي ءتارتىپ بولعانىن زەرتتەۋ. ءبىزدىڭ اۋداندا مۇنداي قورىمدار, قورعاندار مەن قۇلپىتاستار وتە كوپ. قۇلپىتاستار 2012 جىلدان بەرى زەرتتەلىپ كەلەدى. بىراق ولاردىڭ كوپشىلىگى ب ۇلىنگەن بولىپ شىقتى, ونى انىقتاۋ ءىس جۇزىندە مۇمكىن بولمادى. قورعانداردى زەرتتەۋ ارحەولوگيا سالاسىنداعى مامانداردىڭ قاتىسۋىن قاجەت ەتەتىن وتە ۇزاق پروتسەسس. مەنىڭ ويىمشا, مۇنداي ولجا كوپ نارسە بىلۋگە جانە كوپتەگەن جاڭالىقتار اشۋعا مۇمكىندىك بەرەدى", دەدى اۋدان اكىمدىگىنى ىشكى ساياسات ءبولىمىنىڭ باسشىسى نۇرجان ءدۇزباتىر.
ايتا كەتەيىك, تاۋەلسىزدىك جىلدارى بۇل باعىتتا مۇنداي جۇمىستار جۇرگىزىلمەپتى. الايدا اۋدانداعى قورعانداردى اۋەسقويلار ءوز بەتىنشە قازىپ الىپ, جاي توناپ كەتكەن جاعدايلار دا كەزدەسكەن. دەسە اۋماقتا زەرتتەلمەگەن قورعاندار مەن قورىمدار ءالى كوپ.