بۇگىن بەسكولدە 300 ورىنعا شاقتالعان جاڭا مەكتەپ اشىلدى. بۇل تۋرالى سولتۇستىك قازاقستان وبلىسىنىڭ اكىمى قۇمار اقساقالوۆ ءوزىنىڭ Facebook پاراقشاسىندا جازدى, دەپ حابارلايدى Egemen.kz
"اۋىلدىڭ وڭتۇستىك-شىعىس بولىگىندە 3,5 مىڭ ادام تۇرادى. مەكتەپ بولماعاسىن بالالار اۋدان ورتالىعىنداعى 3 ءبىلىم ورداسىندا وقىپ ءجۇردى. ولار رەسپۋبليكالىق جولدىڭ باسقا جاعىندا ورنالاسقان. بۇل جەردە بالالاردىڭ قاۋىپسىزدىگى ماسەلەسى تۇردى. باستاۋىش سىنىپتاردىڭ بالالارى اۆتوبۋسپەن تاسىمالداندى. ەكى جىل بۇرىن ەسەپتىك كەزدەسۋدە اتا-انالار وسى ساۋالدى كوتەرگەن ەدى. بۇگىن مىنە ماسەلە شەشىمىن تاپتى. جاڭا ءارى زاماناۋي مەكتەپ بالالارعا اياق اتتام جەردە ورنالاسقان", دەيدى وبلىس اكىمى.