قازاقستاننىڭ موڭعولياداعى ەلشىسى جالعاس ادىلباەۆ موڭعوليا ۇكىمەتىنىڭ اتقارۋشى اگەنتتىگى – ازاماتتىق اۆياتسيا باس باسقارماسى جانە "حۋننۋ ەير" اۋە كومپانياسىنىڭ باسشىلىعىمەن بىرگە اتالعان كومپانيانىڭ "ۇلان-باتىر – الماتى – ۇلان-باتىر" باعىتىنداعى اۋە قاتىناسىن اشۋعا ارنالعان ءباسپاسوز كونفەرەنتسياسىنا قاتىستى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
ەلشى ءوز سوزىندە قازاقستاننىڭ ەڭ ءىرى مەگاپوليسى مەن موڭعوليانىڭ استاناسى اراسىنداعى تىكەلەي اۋە قاتىناسىنىڭ اشىلۋىمەن قۇتتىقتاپ, 2019 جىلعى 10 قازاندا نۇر-سۇلتاندا وتكەن قازاقستان پرەمەر-ءمينيسترى اسقار مامين مەن موڭعوليانىڭ پرەمەر-ءمينيسترى ۋحنااگين حۋرەلسۋحتىڭ اراسىنداعى كەلىسسوزدەر بارىسىندا قول جەتكىزىلگەن وسى باعىت بويىنشا اۋە قاتىناسىن اشۋ جونىندەگى ۋاعدالاستىقتىڭ تولىق ورىندالعانىن اتاپ ءوتتى.
اتالعان جاڭا اۋە باعىتى ەكىجاقتى ساياسي, ساۋدا-ەكونوميكالىق, مادەني-گۋمانيتارلىق جانە تۋريستىك سالالارداعى بايلانىستاردىڭ قارقىندى دامۋىنا مۇمكىندىك بەرەتىنى ايتىلدى.
بۇگىن "حۋننۋ ەير" اۋە كومپانياسىنىڭ ۇشاعى "ۇلان-باتىر – الماتى – ۇلان-باتىر" باعىتى بويىنشا العاشقى رەپاترياتسيالىق رەيستى ورىندادى. الەمدەگى ەپيدەميالىق جاعداي جاقسارعاننان كەيىن ۇشۋدىڭ ناقتى جيىلىگى بەلگىلەنەدى.