امەريكالىق Time جۋرنالى وسى جىلدىڭ ەڭ ىقپالدى 100 ادامىنىڭ رەيتينگىن جاسادى, دەپ حابارلايدى Egemen.kz
رەيتىنگ ءتىزىمى "تيتاندار", "ونەر قايراتكەرلەرى", "كوشباسشىلار" مەن "كينو جۇلدىزدارى", سونداي-اق "ساياساتكەرلەر", "عالىمدار", "دارىگەرلەر" جانە "زاڭگەرلەرمەن" تولىقتى.
بيىل كوشباسشىلار قاتارىندا گەرمانيا كانتسلەرى انگەلا مەركەل, اقش پرەزيدەنتى دونالد ترامپ جانە الداعى سايلاۋداعى قارسىلاسى دجو بايدەن, قحر باسشىسى سي تسزينپين, برازيليا پرەزيدەنتى دجاير بولسونارۋ, ءۇندىستان پرەمەر-ءمينيسترى نارەندرا مودي, ەۋروكوميسسيا پرەزيدەنتى ۋرسۋلا فون دەر ليايەن, وكىلدەر پالاتاسىنىڭ سپيكەرى نەنسي پەلوسي, پاريج مەرى انن حيدالگو, دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادحانوم گەبرەيۋس, اقش باس پروكۋرورى ۋيليام بارر, ۇلتتىق اللەرگيالىق جانە جۇقپالى اۋرۋلار ينستيتۋتىنىڭ ديرەكتورى اقش ەنتوني فاۋكي جانە تاعى باسقالارى بار.
Time جۋرنالى قىتايدىڭ جەتەكشى ەپيدەميولوگى چجۋن نانشاندى, Google-دىڭ باس ديرەكتورى سۋندار پيچايدى, دجەفف بەزوستىڭ بۇرىنعى زايىبى ماككەنزي سكوتتى, حالىقارالىق ۆاليۋتا قورىنىڭ باسشىسى كريستالينا گەورگيەۆانى, سونىمەن بىرگە فورمۋلا-1-ءدىڭ التى دۇركىن چەمپيونى ليۋيس حەميلتوندى "تيتاندار" تىزىمىنە قوستى.