كوروناۆيرۋسقا بايلانىستى ءۇندىستاننىڭ ەڭ اتاقتى نىسانى التى اي بويى جابىق بولعان ەدى, دەپ حابارلايدى Egemen.kz.
الايدا ەلدە ءالى ىندەت ءورشىپ تۇرعاندىقتان, تاۋلىگىنە تەك 5 مىڭ ادام قابىلدايدى. ولار بەتپەردە كيىپ, اراقاشىقتىق ساقتاۋعا ءتيىس. وسىعان دەيىن ءتاج-ماحال وسىنشاما ۇزاق ۋاقىتقا جابىلماعان ەدى.
سوڭعى رەت وسىنداي جاعداي 1978 جىلى اگرا قالاسىندا سۋ تاسىعان كەزدە بولعان. قازىر ۇندىستانداعى ەپيدەميولوگيالىق احۋال كۇردەلى.
ەل بويىنشا 5 ميلليون 400 مىڭنان اسا ادام كوروناۆيرۋس جۇقتىرعان. كۇن سايىن 100 مىڭداي جاڭا ناۋقاس تىركەلەدى. ال دەرتتەن قايتىس بولعانداردىڭ سانى 87 مىڭعا جەتتى. كۇنىنە ەل اۋماعىندا ءبىر ميلليونعا جۋىق تەست الىنادى. الايدا 1 ميلليارد 300 ميلليونداي حالقى بار ءۇندىستان ءۇشىن بۇل دا جەتكىلىكسىز بولىپ وتىر.