«رۋحاني جاڭعىرۋ» – ۇلت ساپاسىن ارتتىرۋ

جامان تۇماۋعا بايلانىستى تۋىنداعان وزگەرىستەر قازىرگى زامانعى سىن-تەگەۋرىندەردى ەسكەرە وتىرىپ, قازاقستاندىقتاردىڭ تۇلعالىق دامۋى مەن كاسىبي قابىلەتتەرىنە قاتىستى جۇرگىزىلىپ جاتقان جۇمىستاردى حالىقتىڭ ءداستۇرى مەن ادەپ-عۇرپىن ساقتاۋ ارقىلى كۇشەيتۋ قاجەتتىگىن كور­سەتتى.

وسى ورايدا بيىل «رۋحاني جاڭ­عىرۋ» باعدارلاماسىنا  ء«داس­تۇر مەن عۇرىپ», «ەڭبەك – ەلدىڭ مۇراتى», «ۇنەم – قوعام قۋاتى», «قۇقىقتىق مادەنيەت», «ەكولوگيالىق اعارتۋ» باعى­تىنداعى ماڭىزدى  جاڭا ارنايى جوبالاردىڭ قوسىلۋى تۇلعالىق دامۋعا باعىتتالعان باعدارلامانىڭ جاڭا ءبىر دەڭگەيگە وتۋىنە نەگىز بولدى. ءاربىر ارنايى جوباعا تۇجىرىمداما دايىندالىپ, وندا ارنايى جوبانى جۇزەگە اسىرۋ نىسانى, كۇتىلەتىن ناتيجەسى مەن جاۋاپتى مەملەكەتتىك ورگاندار بەلگىلەندى.

جاڭا ارنايى جوبالاردىڭ ەنگىزىلۋى قازاقستان رەسپۋب­لي­كا­سىنىڭ تۇڭعىش پرەزيدەنتى – ەلباسى ن.ءا.نازارباەۆتىڭ باستاماسىمەن ىسكە اسىرىلا­تىن «رۋحاني جاڭعىرۋ» باعدارلا­ماسىنىڭ تيىمدىلىگىنە وڭ اسەر ەتە­تىندىگى ءسوزسىز. وعان ايعاق ەلى­مىزدىڭ وزگە وڭىرلەرىندەگىدەي وبلىستىق «رۋحاني جاڭعىرۋ» وڭىرلىك جوبالاۋ كەڭسەسىنىڭ دە جىل باسىنان بەرى وسى التى باعىتتاعى ون سەگىز ارنايى جوبانى جۇزەگە اسىرۋ بارىسىندا اتقارىپ وتىرعان جۇمىسى, ونىڭ قوعام تاراپىنان قابىلدانۋى جانە وڭ ناتيجەسى.

اتاپ ايتسام, «رۋحاني جاڭعىرۋ» وڭىرلىك جوبالاۋ كەڭ­سە­سىنىڭ باستاماسىمەن,  اقان سەرى اتىنداعى جوعارى مادە­نيەت كوللەدجىنىڭ قول­دا­ۋى­مەن قۇرىلعان «EL Jastar» ەكس­پە­ري­مەنتالدى-لابورا­توريا­لىق­ جاس­­­تار تەاترىنىڭ ۇلى اقىن اباي قۇنانباي ۇلىنىڭ 175 جىلدىق مەرەيتويىنا ارنالعان «جاستىقتىڭ وتى جالىنداپ...» اتتى پەرفومانس جانرىنداعى قويى­لىمىنىڭ پرەمەراسىن كوپشىلىك جىلى قابىلدادى. ىزىنشە «اۋديوكىتاپ» جوباسى اياسىندا وسى تەاتردىڭ تالانتتى اكتەرلەرىنىڭ قاتىسۋىمەن, زاماناۋي تەحنولوگيالاردىڭ قول­دانىلۋىمەن «اقمولا وبلى­سىنىڭ اقىن-جازۋشىلارى» اۋديو­كىتاپتارىنىڭ ءبىرىنشى سەرياسى ازىرلەنىپ, adebiportal.kz سايتىنا ورنالاستىرىلدى. ناتيجەسىندە كوكشە ءوڭىرىنىڭ اتاقتى جازۋشىلا­رىنىڭ 9 كىتا­بىنىڭ اۋديو نۇسقاسى ۇسى­نىلدى. جىل سوڭىنا دەيىن اۋديو­كىتاپتاردىڭ ەكىنشى سەرياسىن شىعارۋ جوسپارلانىپ وتىر. 

ءتىل وقىتۋ ورتالىعىنىڭ قول­داۋىمەن «قالامگەر قازى­ناسى» جوباسى اياسىندا اقمولا وبلىسىنان شىققان كورنەكتى قالامگەرلەر كىتاپتارىنىڭ ەلەكتروندى نۇس­قالارى ازىرلەنىپ,  adebiportal.kz سايتىندا ورنالاستىرىلدى. بۇل جوبا اياسىندا جارىق كورگەن 20 ەلەكتروندى كىتاپ قالىڭ وقىر­ماننىڭ قىزىعۋشىلىعىن تۋدىردى.

جاستاردىڭ بەلسەندىلىگىن ارتتىرۋ ماقساتىندا كوكشەتاۋ قالالىق ەلەكتروندى كىتاپ­حا­ناسىندا اقان سەرى اتىنداعى كوكشەتاۋ جوعارى مادەنيەت كول­لەدجى, «ارنا» كوللەدجى, شوقان ءۋاليحانوۆ اتىنداعى كوپ­سالالى كوللەدج, كوكشەتاۋ جوعارى مە­ديتسينالىق كوللەدجى, كوك­شەتاۋ ازاماتتىق قورعانىس كول­لەدجى ستۋدەنتتەرىنىڭ قاتىسۋى­مەن «جاڭا كوزقاراس – جاڭا مۇم­كىن­دىكتەر» اتتى brain ring فور­ماتىنداعى زياتكەرلىك ويىندار دا تارتىمدى ءارى قىزىقتى ءوتتى.

بيىل اباي قۇنانباي ۇلىنىڭ 175 جىلدىق مەرەيتويىنا وراي «ادامزاتتىڭ ءبارىن ءسۇي باۋىرىم دەپ...» اتتى وبلىستىق العاش ونلاين رەجىمدەگى اقىندار ايتىسى كورەرمەن كوڭىلىنەن شىقتى. كەشە عانا ء«بىز – اباي جولىندامىز»  رەسپۋب­ليكالىق بايقاۋى دا مارەسىنە جەتتى. ۇلى اقىن اباي قۇنانباي ۇلىنىڭ 175 جىلدىق مەرەيتويىنا وراي اقمولا وبلىسى «رۋحاني جاڭعىرۋ» وڭىرلىك جوبالاۋ كەڭسەسى وقۋ-ادىستەمەلىك ورتالىعىمەن بىرلەسە وتىرىپ رەسپۋبليكالىق ء«بىز – اباي جو­لىندامىز» ونلاين ەسسە بايقاۋىن وتكىزدى. بايقاۋعا قاتى­سۋعا تىلەك بىلدىرگەن 42 ۇمىت­كەر زاڭعار جازۋشى مۇحتار اۋە­زوۆتىڭ «اباي جولى» رومان-ەپو­پەياسىن وقىپ شىعىپ, اقتىق كەزەڭگە جولداما الدى. ونلاين بايقاۋدىڭ ماقساتى دا سول, «اباي جولى» رومانىنىڭ جاپپاي وقىلىمىن ۇيىمداستىرىپ, جاستار اراسىندا ابايدىڭ تا­ري­حي تۇلعاسىن كەڭىنەن تانىمال ەتۋ بولدى. بايقاۋدىڭ قورى­تىندى كەزەڭى عالامتورلىق كونفەرەنتسيا ارقىلى ءوتتى. بۇل كە­زەڭدە قاتىسۋشىلار Zoom مو­بيلدىك قوسىمشاسى ارقىلى اق­مولا وبلىسى وقۋ-ادىستەمەلىك ور­تالىعىنىڭ ۆەبينارىنا قو­سىلىپ, «اباي جولى» رومانى نەگىزىندە «اتانىڭ ۇلى ەمەس, ەلىنىڭ ۇلى» تاقىرىبىندا شاعىن ەسسە جازىپ, دايىن بولعان تۋىندىلارىن اقمولا وبلىسى «رۋحاني جاڭعىرۋ» وڭىرلىك جوبالاۋ كەڭسەسىنە جولدادى. ال بايقاۋعا ورىس تىلىندە قاتىس­قان ۇمىتكەرلەر «دۋحوۆنايا ناتۋرا پوەتا ي مەلوديا ليۋبۆي» تاقىرىبىنا قالام سىلتەدى.    

ۇلتارالىق تاتۋلىقتى نى­عاي­تۋ, قوعامداعى بىرلىك پەن ىن­تىماقتى ۇلگى ەتۋ ماقساتىندا «قازاق وتباسىنىڭ جىلۋى» جوباسىن ۇسىندىق. ونىڭ ماقساتى – قازاق وتباسىلارىنا كەلىن بولىپ, سول اۋلەتتىڭ بار ءداستۇرى مەن سالتىن بويىنا جيناي بىلگەن وزگە ۇلت ايەلدەرى تۋرالى ايتۋ. پرەزيدەنت جولداۋىندا بەل­گىلى الاش قايراتكەرى احمەت بايتۇرسىن ۇلىنىڭ: ء«بىلىمدى بو­لۋعا وقۋ كەرەك. باي بولۋعا كاسىپ كەرەك. كۇشتى بولۋعا بىرلىك كەرەك. وسى كەرەكتەردىڭ جولىندا جۇمىس ىستەۋ كەرەك» دەگەن ءسوزى مىسالعا كەلتىرىلەدى.

«قازاق وتباسىنىڭ جىلۋى» جوباسى بارشا قازاقستاندىقتارعا ورتاق ۇلتارالىق تاتۋلىق پەن ءوزارا تۇسىنىستىكتە وزگە ۇلت وكىل­دەرىن بىرىكتىرىپ وتىرعان قازاق شا­ڭىراقتارى تۋرالى باياندايدى.  بۇل جوبانىڭ العاشقى قوناقتارى بارلىباەۆتار مەن جاقىپبەكوۆتار بولدى.

قورشاعان ورتانى ايا­لاۋ ماق­­سا­تىندا «كوكشەتاۋ – كوك قاراعاي مە­­كە­نى» اتتى ەكو­لو­گيا­لىق اكتسيا­سىن­ دا بيىل جا­ريا­لاعىمىز كەلىپ وتىر.

وسى جوبالاردىڭ بارلىعى دەرلىك اقمولا وبلىستىق ىش­كى ساياسات, مادەنيەت, ءبىلىم باسقار­مالارىمەن بىرلەسىپ اتقارعان جۇ­مىس­تىڭ ناتيجەسى. ءوز ماقسا­تىنا سايكەس مىندەتىن تولىق ات­قارا­تىن, قوعامنان قولداۋ تاپقان جو­با­لار ارينە ومىرشەڭ بولماق. «رۋحاني جاڭعىرۋ» باعىتىنداعى جۇمىستىڭ وڭ ناتيجەسىن كورۋ ءۇشىن ءالى ونداعان جىلدار قا­جەت بولار, بىراق تا ءبىز بۇگىن قو­عام­عا وي تاستاپ, وتكەنىمىز بەن بۇ­گىنى­مىزدى سارالاپ, ءار تۇلعانىڭ جۇرە­گىنە جەتىپ, سانا­سىنا رۋحاني بايلى­عىمىزدى تام­شىلاپ بولسا دا ءسىڭىرۋدى ءجون كوردىك.

 مارال جاقىپوۆا,

 اقمولا وبلىسىنىڭ «رۋحاني جاڭعىرۋ» وڭىرلىك جوبالاۋ كەڭسەسىنىڭ باسشىسى