«پيراميداعا» الدانۋ – سوقىر سەنىمنىڭ ناتيجەسى

ونلاين بريفينگتە اي­تىل­عانداي, قازىرگى تاڭدا جالپى سا­نى 79 كۇدىكتى جاۋاپقا تارتىلۋدا. تەرگەۋ دەپارتامەنتى ءتۇرلى قار­جى پيراميدالارىنا قاتىستى 13 قىلمىستىق ءىستى تەرگەپ جاتىر.

– ماسەلەن, «گارانت 24 لوم­بارد», «ەЅتاتە لومبارد» جا­نە ء«تيىمدى قا­رىز» كومپانيا­لارىنا قاتىستى جابىر­لە­نۋ­شى­لەردەن 17 مىڭنان استام شاعىم ءتۇستى. ولار 22 ملرد تەڭ­گەدەن استام ماتە­ريالدىق زالال شەككەنى انىق­تالدى. وسى ۇيىم­داردىڭ باسشىلارىنا قاتىستى 32 قىلمىستىق ءىس تىركەلدى, 51 كۇدىكتى قىل­مىستىق جاۋاپقا تارتىلۋدا, 7 كۇدىكتىگە ىزدەۋ سالىندى, – دەدى س.ءادىلوۆ.

قارجى پيراميدالارى تۋرالى قىل­مىس­تىق ىستەردى تەرگەۋ اياسىندا قازاق­ستاننان تىس جەرلەردە دە كۇدىكتىلەردى ۇستاۋ شارالارى جۇرگىزىلۋدە. جاقىندا ۇلت­تىق گۆارديانىڭ ارنايى بورتى مول­دوۆادان, رەسەيدەن جانە قىرعىزستاننان ءۇش كۇدىكتىنى ەلگە الىپ كەلدى. قا­زىر ولار تەرگەلىپ جاتىر. بۇل ءۇش كۇ­دىكتىدەن قۇقىق قورعاۋشىلار 70 ملن تەڭگەدەن استام اقشا تاركىلەگەن.

سونداي-اق Qnet كومپا­نيا­سىنىڭ وكىل­دەرىنە قاتىستى «قارجىلىق (ينۆەس­تيتسيالىق) پيراميدا قۇرۋ جانە ونى باس­قارۋ» بابى بويىنشا 20 قىل­مىستىق ءىس تەرگەلىپ جاتقانى ايتىلدى. اتالعان كومپانيانىڭ باس كەڭسەسى مالايزيادا ورنا­لاس­قان. ادامداردى ءتۇرلى زەرگەرلىك بۇيىمدار ساتۋ ارقىلى جەلىلىك ماركەتينگكە تارتادى. باستاپقى جارناسى 30 دوللاردان باستالادى. قازىرگى تاڭدا Qnet الداپ سوققان ازاماتتاردان 211 ارىز-شاعىم ءتۇستى. ماتەريالدىق شى­عىن مولشەرى 160 ملن تەڭگەنى قۇرادى. رەس­پۋب­ليكا بويىنشا 29 قىلمىستىق ءىس تەرگەلىپ جاتىر. قازىر جەدەل تەرگەۋ شارالارى جۇرگىزىلۋدە. مالايزياعا حالىقارالىق تەرگەۋ تاپسىرماسى جولدانعان.

س.ءادىلوۆ تۇرعىن ءۇي قۇرى­لى­سىن كووپەراتيۆ قۇرۋ ارقى­لى جۇرگىزگەن كەيبىر كومپا­­نيالاردىڭ ۇستىنەن دە قىلمى­ستىق ءىس قوزعالىپ جاتقانىن ايتتى. ماسەلەن, ەلورداداعى Expo New Life تۇرعىن ءۇي كەشەنى ۇلەس­كەرلەرىنىڭ وتىنىشىمەن «شانگ حي گرۋپ» جشس-نىڭ باسشىلارى تەرگەلىپ جاتىر. بۇل قىلمىستىق ءىس بويىنشا تەرگەۋ دەپارتامەنتى ەكى ەپيزود تىركەگەن, سالىمشىلار شەككەن زالال كولەمى 2 ملرد تەڭگەدەن اسادى.

سول سياقتى ماڭعىستاۋ وبلىسىندا «ماحاببات» تۇرعىن ءۇي كەشەنىن سالۋعا بايلانىستى دا قىلمىستىق ءىس قوزعالدى. مۇندا 21 ۇلەسكەر جابىرلەنۋشى بار, زالال 252 ملن تەڭگەدەن اسادى.

– تەرگەۋ تاجىريبەسى كور­سەت­كەندەي, قارجى پيراميدالارى – تەز بايىپ كەتكىسى كەلەتىن, مول تابىس تابۋعا ۋادە بەرەتىن اگ­رەسسيۆتى جارناماعا قارسى تۇرا المايتىن ازاماتتارىمىزدىڭ سوقىر سەنىمىنىڭ ناتيجەسى. ءبىز تۇ­­راقتى تۇردە باق ارقىلى حا­لىق­قا قارجى پيراميدالارى­نا قا­تىستى قىلمىستىق ىستەر تۋرا­لى ءتۇسىندىرۋ جۇ­مىس­تارىن جۇر­گىزەمىز, بىراق بۇل – جەت­كى­لىكسىز. مۇنداي اۋقىمدى جۇ­مىستى مۇد­دەلى مەملەكەتتىك ور­گان­­دار – ۇلتتىق بانك, قار­جى مينيسترلىگى, اقپارات جانە قو­عام­دىق دامۋ مينيسترلىگى دە جۇرگىزىپ جا­تىر, – دەدى ءتيىستى دەپارتامەنت باسشىسى.