سىرتقى ىستەر مينيسترلىگىنىڭ "ادالدىق الاڭى" جوبالىق وفيسىندە "سىبايلاس جەمقورلىق بىزدە جوق" ەرىكتى اكتسياسى اياسىندا وفيس باسشىسى يگور مۋساليموۆ ۇزاق مەرزىمدى شەتەلدىك ىسساپارعا شىعاتىن ديپلوماتتارمەن كەزدەستى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
شەت ەلدەرگە جۇمىسقا باراتىن ديپلوماتتارمەن اڭگىمەلەسۋ تاجىريبەسى جۇيەلىك داستۇرگە اينالدى. ديپلوماتتار شەت ەلدەردە بولۋ جاعدايىنداعى ەتيكالىق مىنەز-ق ۇلىق نورمالارى تۋرالى, مەملەكەتتىك قىزمەت تاراپىنان ولارعا قويىلاتىن شەكتەۋلەر تۋرالى جانە ءارتۇرلى جاعدايلاردا ءوزىن-ءوزى ۇستاۋ جونىندە كەڭەستەر الادى.
بيىلعى كەزدەسۋ ەرەكشە سيپاتتا ءوتتى. اڭگىمە شەت ەلدەردە ءبىزدىڭ ازاماتتارىمىزدىڭ قۇقىقتارىن قورعايتىن كونسۋلدىق قىزمەتكەرلەرمەن ءوتتى. قر ءسىم "ادالدىق الاڭى" جوبالىق ءوفيسىنىڭ جۇمىسىنداعى باستى باعىتتاردىڭ ءبىرى – كونسۋلدىق باعىت ەكەنىن اتاپ ءوتۋ قاجەت. شەتەلدەگى كونسۋلدىق قىزمەتكەرلەردىڭ جۇمىسىنا قاراپ ازاماتتار مينيسترلىكتىڭ جانە بارلىق مەملەكەتتىك قىزمەتتىڭ جۇمىسىن باعالايدى. وسىعان بايلانىستى كونسۋلدارعا قازاقستان رەسپۋبليكاسىنىڭ بارلىق مەملەكەتتىك ورگانداردىڭ وكىلى رەتىندە ەرەكشە جاۋاپكەرشىلىك جۇكتەلەدى.
اڭگىمەلەسۋ بارىسىندا ديپلوماتتار اعىمداعى جىلدىڭ قىركۇيەك ايىندا سىبايلاس جەمقورلىققا قارسى ءىس-قيمىل اگەنتتىگىنىڭ باستاماسىمەن ىسكە اسىرىلعان "سىبايلاس جەمقورلىق بىزدە جوق" اكتسياسىمەن تانىستىرىلدى. بۇل اكتسيانىڭ نەگىزگى باعىتتارىنىڭ ءبىرى – مەملەكەتتىك ورگانداردىڭ اشىقتىق دەڭگەيى, ولاردىڭ ازاماتتاردىڭ سۇرانىستارىنا جاۋاپ بەرۋ قابىلەتى, كەلۋشىلەر ءۇشىن باسشىلىقتىڭ قول جەتىمدىلىگى تۋرالى حالىقتىڭ پىكىرىن زەرتتەۋ. ءتۇرلى سەبەپتەرمەن شەتەلدە جۇرگەن قازاقستان رەسپۋبليكاسىنىڭ ازاماتتارى دا ەلىمىزدىڭ ازاماتتىق قوعامىنىڭ تولىققاندى وكىلدەرى بولىپ تابىلادى جانە ولاردىڭ سىبايلاس جەمقورلىققا قارسى جۇمىس تۋرالى پىكىرى دە ماڭىزدى. وسىعان بايلانىستى كونسۋلدىق قىزمەتكەرلەر وزدەرىنىڭ شەتەلدىك ميسسياسىن ادالدىق, اشىقتىق, كاسىبيلىك قاعيداسى نەگىزىندە قۇرۋى جانە مەملەكەتىمىزدىڭ سىبايلاس جەمقورلىققا قارسى ساياساتىنىڭ جولسەرىگى بولۋى ءتيىس.
پىكىر الماسۋ بارىسىندا سىرتقى ساياسي ۆەدومستۆوسىنىڭ ەرەكشەلىگىن ەسكەرە وتىرىپ, سىرتقى ىستەر مينيسترلىگىندە "ادالدىق الاڭى" جوباسىنىڭ جۇمىسىن جەتىلدىرۋ جانە كەڭەيتۋ, سىبايلاس جەمقورلىققا قارسى كۇرەس ماسەلەلەرىندە حالىقارالىق تاجىريبەنى پايدالانۋ جانە شەتەلدىك وكىلدىكتەردىڭ قر ءسىم "ادالدىق الاڭى" جوبالىق وفيسىمەن تىعىز ءوزارا ءىس-قيمىلى تۋرالى ۇسىنىستار ايتىلدى.
جاقىن ارادا مۇنداي كەزدەسۋلەر جالعاسىن تاۋىپ, شەتەلگە شىعاتىن بارلىق ديپلوماتتاردى قامتيتىن بولادى. "ادالدىق الاڭى" يدەولوگياسى – سىبايلاس جەمقورلىقتان ازات اۋماقتار ەداۋىر كەڭەيتىلەتىن بولادى.