بۇل تۋرالى بۇگىن جامبىل وبلىسىنىڭ اكىمى بەردىبەك ساپارباەۆتىڭ توراعالىعىمەن وتكەن تاراز قالاسى قۇرىلىسى كەڭەسىنىڭ كەزەكتى وتىرىسىندا تالقىلاندى, دەپ حابارلايدى Egemen.kz
ساۋلەت جانە قالا قۇرىلىسى باسقارماسىنىڭ باسشىسى ارمان ابدەشوۆ: "سول ماڭايداعى جاعاجاي مەن جاساندى سارقىراما جوباسى دا قولعا الىنعان. جوسپار بويىنشا ونداعى دەمالۋشىلار ءۇشىن قويىلاتىن ورىندىقتار ۇلتتىق ناقىشتا بەزەندىرىلەدى. "Biz birgemiz" مونۋمەنتى دە شاھاردىڭ ماقتانىشىنا اينالۋى ءتيىس. جوبا ءوز قۇرىلىمىمەن ەلدەگى بىرلىك پەن تاتۋلىقتى اسپەتتەيدى", دەيدى ول.
قۋانتارلىعى, مونۋمەنت كوروناۆيرۋسپەن كۇرەسكەن ازاماتتارعا ارناپ ورناتىلىپ جاتىر. كوپفيگۋرالى كومپوزيتسيانىڭ قاق ورتاسىندا جەر شارى ورنالاسقان. ءتۇرلى ماماندىق يەلەرىنىڭ مۇسىندەرى ونى قول ۇستاسا اينالدىرىپ تۇر. كەشەن دە, مونۋمەنت تە ۇلتتىق ناقىشتا ورىندالادى.
جيىندا وبلىس اكىمىنە ونەر ءۇيى, جاستار ورتالىعى, اسا ىقشاماۋدانىندا سالىناتىن اللەيالار جوبالارى دا كورسەتىلدى. جەرگىلىكتى ساۋلەتشىلەر جوسپاردى وزگە قالالارداعى تاجىريبەگە سۇيەنە وتىرىپ ازىرلەگەن.
ساۋلەت جانە قالا قۇرىلىسى باسقارماسىنىڭ باسشىسى اباي مەن جامبىل داڭعىلدارى ءبىرشاما وزگەرەتىنىن جەتكىزدى.
ء"ار عيمارات بىرەگەي بولۋى كەرەك. بىراق ءوزارا ۇيلەسىم دە ەسكەرىلگەنى ءجون. ەڭ ءبىرىنشى كەزەكتە ساۋاتسىز جارناما ىلىنگەن قالقاندار, بيلبوردتاردى جويۋ كەرەك. رۇقسات ەتىلمەگەن جەردە نىسان سالىپ جاتقان كاسىپكەرلەردى جاۋاپكەرشىلىككە تارتۋ كەرەك", دەپ تالاپ قويدى بەردىبەك ساپارباەۆ.