اقتوبە وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ تەرگەۋ يزولياتورىنىڭ قىزمەتكەرلەرى سوتتالعاندارمەن كەزدەسۋگە كەلگەن ازاماتتى ءتىنتىپ, ونىڭ سالەمدەمەسىن قاراۋ كەزىندە باۋىرساقتان فولگاعا ورالعان Nokia تەلەفون تاركىلەدى, دەپ حابارلايدى Egemen.kz
كەزدەسۋگە كەلگەن 24 جاستاعى اقتوبە وبلىسىنىڭ تۇرعىنى ەسىرتكى تاراتقانى ءۇشىن قاماۋعا الىنعان اعاسىنا تىيىم سالىنعان زاتتى بەرۋگە تىرىسقان.
"كەلۋشى ءوز تۇسىندىرمەسىندە كىناسىن تولىق مويىندادى. قۇقىق بۇزۋشىعا اقبتك-ءنىڭ 481-بابى "قىلمىستىق-اتقارۋ جۇيەسى مەكەمەلەرىندە, ارنايى مەكەمەلەردە ۇستالاتىن ادامدارعا تىيىم سالىنعان زاتتاردى, بۇيىمداردى بەرۋ" بويىنشا حاتتاما تولتىرىلىپ, ماتەريالدار قالالىق مامانداندىرىلعان اكىمشىلىك سوتقا جولداندى. سونىمەن قاتار, ول ءبىر جىل ىشىندە مەكەمەگە كەلۋ مۇمكىندىگىنەن ايىرىلادى", -دەپ حابارلادى اقتوبە وبلىسى بويىنشا قاج دەپارتامەنتىنىڭ ءباسپاسوز قىزمەتى.