اقش قورعانىس مينيسترلىگى بەينەباقىلاۋ جۇيەسىن ورناتۋمەن قاتار, جۇمىسىنىڭ بارلىق اقىسىن تولەپ بەردى. وسى ماسەلەگە وراي كۋرچاتوۆتاعى ۇلتتىق يادرولىق ورتالىقتىڭ باس ديرەكتورى, عالىم ەرلان باتىربەكوۆتىڭ ايتۋىنشا, پوليگوندا وسىمەن ەكىنشى جىل قاتارىنان اسا ماڭىزدى ستراتەگيالىق نىساندار قورعاۋعا الىنىپ وتىر.
اقش قورعانىس مينيسترلىگى بەينەباقىلاۋ جۇيەسىن ورناتۋمەن قاتار, جۇمىسىنىڭ بارلىق اقىسىن تولەپ بەردى. وسى ماسەلەگە وراي كۋرچاتوۆتاعى ۇلتتىق يادرولىق ورتالىقتىڭ باس ديرەكتورى, عالىم ەرلان باتىربەكوۆتىڭ ايتۋىنشا, پوليگوندا وسىمەن ەكىنشى جىل قاتارىنان اسا ماڭىزدى ستراتەگيالىق نىساندار قورعاۋعا الىنىپ وتىر.
امەريكالىق ارىپتەستەر مەن قر ۇياو ماماندارى ءوزارا بىرىگىپ, دەگەلەڭ تاۋلى ايماعىنداعى بەينەباقىلاۋ جۇيەسىن ارنايى سىناقتان وتكىزىپ, ءبىر جىل ىشىندە اتقارىلعان جۇمىستاردىڭ قورىتىندىسىن شىعاردى. باقىلاۋ جۇيەسى پوليگوننىڭ قاۋىپتى ايماقتارىنا بوگدە ادامداردىڭ كىرىپ كەتۋىن قاداعالايدى. كۇدىكتى جاعدايدا بىردەن بەلگى بەرىلىپ, بولىپ جاتقان وقيعالار ونلاين-جۇيەدە كورسەتىلەدى.
الداعى ۋاقىتتا پوليگوننىڭ قاۋىپتى تۇستارىنان باسقا دا جەرلەرى تولىقتاي وسىنداي قۇرالمەن جابدىقتالماق. پوليگوننىڭ ينفراقۇرىلىمىن تاراتۋ, جويۋ بارىسىندا اقش, رەسەي, قازاقستان بىرىگىپ, رادياتسيالىق قاۋىپسىزدىكتى دە قولعا الۋدا. «پوليگونداعى قورعانىس جۇمىستارى دەر كەزىندە قولعا الىنىپ وتىر جانە بۇعان وراي جۇمىستار وتە مىقتى جۇرگىزىلىپ جاتقاندىعى تۋرالى سەۋل سامميتىندە ءۇش ەلدىڭ پرەزيدەنتتەرى اتاپ ايتقان بولاتىن», دەدى ەرلان عادىلەت ۇلى.
راۋشان نۇعمانبەكوۆا.
كۋرچاتوۆ قالاسى.