جەڭىس پارادىنا قاتىسقان

نەمىس-فاشيست باسقىنشى­لا­رىن تالقانداۋدا ەرەكشە كوزگە تۇسكەن كەڭەس قارۋلى كۇشتەرىنىڭ ءار تۇرىنەن جاساقتالعان تاڭداۋلى پولكتەر جەڭىس پارادىنا قا­تىس­تى. زامانا تاريحىنىڭ تو­رىنەن ورىن الاتىن وسى ءبىر ەس­تە قالارلىق وقي­عانىڭ كۋاسى بول­عان­دار قاتارى جىلدان-جىلعا ازا­يىپ كەلەدى.

سول اسكەري شەرۋگە قاتىس­قان كاپيتانى شايعاپپاس ەگەۋباي­ ۇلى ەگەۋباەۆتى كەيىنگى ۇرپاق بۇگىندە دەيىن ماقتان تۇتادى. وتكەن كۇندەردى شايعاپپاس ەگەۋ­باي­ ۇلى كوزى تىرىسىندە بىلاي دەپ ەسكە ال­عان ەدى:

«جەڭىس پارادىنا قاتىسقاندى ءوز باسىم ماقتان تۇتاتامىن. سول كۇنى مەنىڭ تۇلا بويىمدى حالىقتىق ماقتانىش بيلەپ ءجۇر­دى... ماسكەۋدەگى قىزىل الاڭ­دا ءبىر ءسات تىلسىم تىنىشتىق ورنادى. سونان سوڭ ەكى ءجۇز بارابان ءدۇرسىلى استىندا فاشيستەردىڭ سۆاس­تيكالى كارا جالاۋلارى لەنين ماۆزولەيىنىڭ ىرگەسىنە لاق­تىرىلدى...»

شايعاپپاس ەگەۋباەۆ 1924 جى­لى پاۆلودار وبلىسى, ماي اۋدانى, اباي اۋىلىندا دۇنيەگە كەلگەن. كىشى اقجار جەرىندە ءبىلىم العان. 1941 جىلى 18 قازاندا اس­كەرگە شاقىرىلعان. التاي ار­تيل­لەريالىق ۋچيليششەسىن بىتىرگەن. سو­عىسقا 1942 جىلدىڭ ماۋسىمىنان باستاپ قاتىسقان. اۋەلى ۆزۆود, كەيىن باتارەيا كومانديرى بولعان. 1947 جىلى اسكەر قاتارىنان ورال­عان.

ەرلىكتەرى ءۇشىن «قىزىل تۋ», ء«ى دارەجەلى وتان سوعىسى», ەكى مارتە «قىزىل جۇلدىز» وردەنىمەن جانە «ەرلىگى ءۇشىن» مەدالدا­رىمەن ماراپاتتالعان. 1945 جى­لى ماسكەۋدە جەڭىس پارادىنا قاتىسقان.

1947 جىلى سوعىستان ورالعان سوڭ ەڭبەككە ارالاستى. ماي اۋدان­دىق كومسومول كوميتەتى­نىڭ ءبى­رىنشى حاتشىسى, پارتيا ۇيى­مىنىڭ حاتشىسى, اۋداندىق ما­دەنيەت ءبولىمىنىڭ باستىعى قىز­مەتتەرىن ابىرويمەن اتقاردى. كەيىندە, قۇرمەتتى دەمالىسقا شىق­قانشا اقشيمان جالپى ورتا ءبىلىم بەرەتىن مەكتەبىندە العاشقى اسكەري دايارلىق پانىنەن مۇعالىم بولىپ قىزمەت ەتتى.

1995 جىلى ۇلى وتان سوعى­سىنداعى جەڭىستىڭ 50 جىل مە­رە­كەسىنە وراي الماتىداعى رەسپۋب­ليكالىق شەرۋگە قاتىستى. 1996 جى­لى دۇنيەدەن ءوتتى. ءبىزدىڭ, جەر­لەستەرىنىڭ شاي­عاپ­پاس ەگەۋ­باي ۇلىنا ءوزى جۇمىس ىستەگەن اق­شيمان مەكتەبىنە ەسى­مى بەرىلسە دەگەن تىلەگىمىز بار. جە­ڭىستىڭ 75 جىلدىق مەرەيتويى قارساڭىندا قاھارمان تۇلعا­لار­دىن ەسىمدەرى اسپەتتەلىپ, جوعارى دەڭگەيدە قۇرمەت كورسەتىلەر دەگەن ويدامىن.

بەرىك ەسكەندىروۆ

پاۆلودار وبلىسى,

ماي اۋدانى,

باسكول اۋىلى