دوستىق ۇيىندە اسسامبلەيانىڭ 25 جىلدىعىنا وراي قىزىلوردا وبلىستىق قازاقستان حالقى اسسامبلەياسىنىڭ ۇيىمداستىرۋىمەن «DOSTYK KZ» اتتى جاستار ساياساتىن دامىتۋعا باعىتتالعان الەۋمەتتىك جوبالار بايقاۋى وتكىزىلدى.
بايقاۋدىڭ ماقساتى – وبلىستاعى جاستار ساياساتىن دامىتۋعا باعىتتالعان جاڭا يدەيالارعا, وزەكتى الەۋمەتتىك ماسەلەلەردى شەشۋگە باعىتتالعان جوبالارعا كوڭىل اۋدارىپ, ونىڭ وبلىس كولەمىندە ىسكە اسىرىلۋىنا قولداۋ كورسەتۋ. بايقاۋعا 18-29 جاس ارالىعىنداعى 6 جاس جانە 4 كوماندا قاتىستى.
بايقاۋدىڭ قازىلار القاسىنىڭ قۇرامىندا قىزىلوردا قالالىق جاستار رەسۋرستىق ورتالىعىنىڭ ديرەكتورى سابىرجان كەڭشىلىك, رەسپۋبليكالىق جانە حالىقارالىق ستارتاپ-جوبالاردىڭ جەڭىمپازى, «جاڭعىرۋ جولى» رەسپۋبليكالىق جاستار قوزعالىسىنىڭ بەلسەندىسى ەۆگەني دەميدەنكو جانە «قوعامدىق كەلىسىم» كمم ءبولىم باسشىسى ايبەك دايراباي بولدى.
بايقاۋ قورىتىندىسى بويىنشا ابىلقايىر ەرعاليەۆ – ءى ورىندى, ءالفارابي يسلام – ءىى ورىندى, بەكسۇلتان تۇرسىن ءىىى ورىندى يەلەندى. جەڭىمپازدار ارنايى ديپلومدارمەن, ال «Ecoproject», «Clean World», «Helli», «Rise and fight» كوماندالارى جانە ءادىلحان اجىبەكوۆ, بايانسۇلۋ تولەباي, وتەش جاسنۇر بايقاۋعا قاتىسقاندارى ءۇشىن العىس حاتتارمەن ماراپاتتالدى.
بارلىق قاتىسۋشىلارعا سىي-سىياپاتتار تابىستالدى.