2020 جىلعى 11 قىركۇيەكتە ۇلتتىق قاۋىپسىزدىك كوميتەتى ءىىم-مەن بىرلەسىپ ۇيىمداسقان قىلمىستىق توپتىڭ جولىن كەستى, دەپ حابارلايدى Egemen.kz
ارنايى وپەراتسياعا "ا" جانە "بۇركىت" ارنايى بولىمشەلەرىنىڭ تارتىلۋىمەن, ەلوردا ماڭىندا قورقىتىپ الۋمەن جانە رەيدەرلىك قارۋ ساۋداسىمەن اينالىسقان "الىبەكوۆتەر", "يبراگيموۆتەر" جانە "ماحمۋدوۆتار" اتتى ۇيىمداسقان قىلمىستىق توپتىڭ ءبىر مەزگىلدە اسا قاۋىپتى ارەكەتىنىڭ جولى كەسىلدى.
نۇر-سۇلتان, الماتى, اقتوبە جانە قوستاناي قالالارىنداعى ارنايى وپەراتسيا شەڭبەرىندە كورسەتىلگەن توپتاردىڭ 15 جەتەكشىسى مەن بەلسەندى مۇشەلەرى ۇستالدى. ولاردىڭ بىرەۋى رەسەي فەدەراتسياسىندا بانديتيزم مەن ادام ولتىرگەنى ءۇشىن حالىقارالىق ىزدەستىرۋدە بولعان. اتىس قارۋلارى, وق-دارىلەر مەن گراناتالاردىڭ ارسەنالدارى تاركىلەندى.
ۇستالعاندار نۇر-سۇلتان قالاسى پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالىپ, قولدا بار دالەلدەمەلەردى بەكىتۋ جانە قىلمىستىق ارەكەتتىڭ وزگە دە ەپيزودتارىن انىقتاۋ بويىنشا تەرگەۋ ءىس-شارالارى جۇرگىزىلىپ جاتىر.