شقو-عا قاراستى زايسان قالاسىنىڭ تۇرعىنى بىرلىك مامىربەك ۇلتتىق ءارى تازا تابيعي تاعام تارى-تالقان ءوندىرىسىن جانداندىردى, دەپ حابارلايدى Egemen.kz "حابار 24"-كە سىلتەمە جاساپ.
كاسىپكەر وسىدان جەتى جىل بۇرىن تاريحي وتانىنا اسپان استى ەلىنەن قونىس اۋدارعان. كەيىن باۋىرلارىمەن بىرىگىپ, ۇمىت بولعان ءونىمدى شىعارا باستادى. بۇگىندە تاۋار ۇلكەن سۇرانىسقا يە.
ءتىپتى قازاقستاننان بولەك شەت ەلدەرگە ەكسپورتتالا باستادى. ال وعان قاجەتتى شيكىزات زايساندا وسىرىلەدى. كاسىپورىن كۇنىنە بيداي, س ۇلى جانە تارىنىڭ 3 تونناسىن وڭدەۋگە قاۋقارلى. ءوندىرىس وشاعىندا 10 ادام ەڭبەك ەتەدى.
"ۇلتتىق ءونىمىمىزدى قايتا جاڭعىرتىپ جاتىرمىن. جوعىمىزدى تۇگەندەسەك, قازاق بۇدان دا قۇدىرەتتى, بۇدان دا مىقتى ەل بولادى. اتا-بابالارىمىزدىڭ جەگەن اسىن ۇمىتپاۋىمىز كەرەك. ءبىر ەكى ايدا شىعىپ قالادى دەپ وتىرمىن. بالالار تالقانىنىڭ اتاۋىن "باتىر بالا" دەپ قويدىم", دەيدى كاسىپكەر بىرلىك مامىربەك.