"قازىرگى تاڭدا قالا كوشەلەرىنە ساراپتاما جۇرگىزۋ ناتيجەسىندە, جولاۋشىلاردىڭ قولايلىلىعى ءۇشىن قوناەۆ داڭعىلى مەن رىسقۇلوۆ كوشەلەرىنىڭ قيىلىسىنا زاماناۋي جول ايرىعىن سالۋ قاجەتتىلىگىن بايقاپ وتىرمىز. كۇندەلىكتى كەپتەلىستەردەن تۇرعىنداردان شاعىمدار, نارازىلىقتار بايقاپ جاتىرمىز. سونى ەسكەرە وتىرىپ, قازان ايىنان باستاپ جول ايرىقتىڭ جۇمىسىنا كىرىسەمىز. جوبا كەلەسى جىلى تولىق اياقتالۋى قاجەت", دەيدى ول.
سونىمەن قاتار, بيىل قالاداعى 259 نىسان 416 شاقىرىم جول قۇرىلىسىن جۇرگىزۋ جوسپارلانعان بولاتىن. قازىرگى تاڭدا 160 كوشەدە, 203 شاقىرىم جول جوندەۋ جۇمىسى اياقتالدى. ەندىگى جەردە 99 كوشە, 213 شاقىرىم جوندەۋ جۇمىستارى قالعانىن ايتتى.
قىركۇيەكتىڭ سوڭىنا دەيىن بىرنەشە جول قۇرىلىس جۇمىستارى مەن جول وتكەلدەرىن رەتكە كەلتىرۋ, ايالداما مەن باعدارشام ورناتۋ, كوشەنى تاڭبالاۋ جۇمىستارى اياقتالادى.
ال قوناەۆ كوشەسىنىڭ تۇركىستان كوشەسىنەن ارىقارايعى جالعاسى دا سالىنىپ, 1 كەزەڭى جەلتوقسان ايىندا تولىق اياقتالادى.
سونداي-اق, ماقسۇت يساحوۆ ايالدامالاردىڭ ورناتىلۋ بارىسىن, ۆەلوجولاقتاردىڭ سالىنۋى مەن ۆەلوستانتسيالاردىڭ ورنالاسۋى مەن پايدالانىلۋىن, قالاعا كىرە بەرىس شىمكەنت-تاشكەنت وتكەلىندەگى جوندەۋ جۇمىستارىنىڭ بارىسىن تانىستىردى.